Прилога ТЕКСТ ШИРОКОЇ РУСЬКОЇ ПРАВДИ

Подаючи текст Широкої Правди, в основу я поклав всупереч традиції не текст Синодального списку 1282 р.(ч. 8), чи Троїцького ХГУюго ст. (ч. 3), а текст Пушкінського списку (ч. 72).

Л.Б.

ПРАВДА РУСКАЯ

1. Оже оубьеть мужа то местити брату брата любо отчю любо сыну любо брату чада любо братню сынови оже ли не будеть хто єго местя то положи за голоту 80 гривень ачи будеть ли мужь княжь или тіоуна княжа ачи будеть горожанинь¹ либо¹ гринь¹ любо купечь любо тиоунь боярескь любо мечникь изгои либо слотЬнинь то 40 гривень положи зань

2. По ЯрославЪ же пакы совокупишася сыновЪ єго Изяславь Святославъ Всеволодь и мужи ихь Коснячко Перенигь Никифорь и сотложиша оубьєньє за голову кунами ся выкупять а ино все якоже Ярославь судилъ тако и сынови єго оуставиша

Будет ли головникъ ихъ въ верви того зане к нимъ приклады- вають того діля помогати имъ головнику ли в дикую вину но сплатити имъ во опчи 40 гривенъ головницьство а то самому головнику а в сороци гривенъ заплатити єму из дружини свою часть

6.

7. Оже станет/ь/ за розбоі. Будетли сталь на разбои безъ всякоя свады за разбоиника людьє не платять но выдадять всего c жоною и з дітми на потокъ и на разграбленьє

8. Аже кто не вложи в дикую вину и виру тому людьє не помотають но самь платить

9. A се покони вирнии были по^[1] Ярославі вирнику взяти 7 відерь солоду на неділю оже овенъ любо полоть любо дві ногати а в среду куна оже сыръ а в пятницю тоже а куровь по двоє єму на день а хлібовь 7 на неділю а пшона 7 оубороковь а гороху 7 оубороковь а соли 7 голваженъ то то вірнику co отрокомь а кони 4 конемь на вороть всути овесь вірнику 8 гривенъ а 10 кунъ при> кладная а метелнику 12 вікши а ссадная гривна

10. Q вирах. Иже будеть вира вь 80 гривень то вірнику 16 гривнъ и 10 кунъ и 12 вікши а переди сьсадная а за голову⁵ гривны

11. Q отроці. A се о княжі отроци или о конюсі или о поварі то 40 гривенъ

12. И за тиоунъ огнищнии и за конюшии 80 гривнъ

13. A в сельскомъ куни* княжі или в ратаинемь то 12 гривні

14. A за рядовича 5 гривнь такоже и за боярескъ

15. Q ремествениці. A се о ремественичи за ремественика и за ремес- твеничи то 12 гривні

[16. A за смердии холопъ 5 гривенъ а за робоу б гривенъ

17. A за кормилца 12 гривне]⁷ и за кормилицю хотя будеть холопъ буди роба

18. O поклепі. Аще буть oy кого клєпная віра тоже будеть послуховъ 7 то то идуть виру пакы ли варягъ или инъ кто то два

19. A в костехъ и по мертвеці не плати верви оже имени не відають ни знаклъ єго

20. Q сверженьи. Аже сверже виру то гривна сметная кунъ отроку а къто клепалъ а тому дати другая гривна а сот вири помоцного 9 кунъ

21. Искавше ли послуха и не налізуть а истець начнеть головою клепати то имъ правду желізо

22. Такоже и во всихъ тяжахъ в тадбі и в поклепі оже не будеть исть- 132

ца тогда дати єму желЪзо из неволи до полугривны эолота оже ли мене то на воду али въ двою гривну аще ли мене то ити єму по свои куны

23.

24. Оже ли вынезъ меть [а не оударить то гривна кунъ

25. Оже кто кого оударить]' батогомь или цяшею любо рогомь любо тылеснию то 12 гривни

26. He терпя противу тому оударить мечемь то вины єму B ТОМЬ нить

27. Ачи ли оутнеть руку а штпадеть рука или оусхнеть или нога или око или носъ оутнеть то полувЪрьс 20 гривенъ а то за вЪкъ 10 гривень

28. Аже оутнеть мечемь* кыи любо то 3 гривны продажи а самому гривна

29. Аще придеть кровавь мужь. Аще придеть кровавь мужь на дворъ или синь то видока єму не искати но платити продажа 3 гривны аще ли не будеть на немъ знаменья то привести єму видокъ слово противу слову кто ли будеть почалъ то тому платити 60 кунъ аще ли кровавь придеть или будеть самъ почалъ а вьшизу¹⁰ послуси то то єму платежь оже и биль

30. Оже ли оударить мечемь а не потнеть на смерть то 3 гривны продажа а самомоу гривна за рану оже личе¹¹ потнеть или на смерть а вира

31. Яже попхнеть мужь мужа любо к собЪ любо ют себе а любо по лицю оударить а видока два вьмдуть али жердью оударить то 3 гривны продажи оже ли будеть варягъ или колбягь то полная видока вьтести и идеть на роту

32. Q челяди. A челядинъ кроєтся^и а заклюти¹³ и на торгу а за три дни не вьшедуть сго а познають єго на третии день то свои челядинъ поимуть а оному платити 3 гривны продажи

33. Cl конЪ. Аще кто всядеть на чюжь конь не прошавъ то 3 гривны

34. A се кто погубить конь или порть или оружье а заповЪсть на торгу а последи познають вь свосмъ городЪ своє єму личемь взяти а за обиду взяти 3 гривны

35. Оже кто познасть своє что будеть погубили или оукрали oy него что или конь или порть или скотина то не рчи се мос но иди на сводъ гдЪ єсть взялъ сведет ли ся хто будеть виноватъ на того тадба снидеть тогда своє возмет и что будеть с нимь погыбло тожь сму начнеть платити ачи будеть коневои тать а выдати и князю на потокъ паки ли будеть кльтныи тать 3 гривни платити єму

36.

будеть личе то тому третьему платити за личе кунами а с личемь ити до конча а истьчю ждати прока а гдЪ снидеть на конЪчнаго то тому все платити и продажа

37. Q тадбЪ. Пакы ли что будеть купиль татебно на торгу конь или порть или скотину то вьтести свободна мужа два или мытника аже начнеть незнати oy кого купивъ то ити по немь тимь видокомь на роту а истьцю свое личемь взяти а что с нимь погибло а того ему желЪти а оному желЪти своихь кунъ зане не знаеть oy кого купивъ познает ли на долзЪ oy кого купивъ то свои ему куны и сему платить что oy него будеть погибло а князю продажа

38. Q челядинЪ. Оже кто познаеть челядь свою оукраденую а поиметь и то оному вести по кунамь до третьего свода пояти же челядинъ въ челядина мЪсго а оному дати личе да ть идеть до конечного свода а то есть не скоть ни лзЪ рЪчи не видЪвъ oy кого купилъ есмь но по языку ити до конча а гдЪ будеть конечнеи тать опять вороти челядина а свою поиметь и проторъ тому же платити а князю продажи 12 гривни в челядини или оукрадше или оуведше

39. Q сводЪ. A изъ своего города в чюжю землю свода нЪтъ но такоже вывести ему послухы любо мытника перед кимъ купивше TO истьчю личе взяти а прока ему желЪти что с нимъ погыбло а оному своихъ кунъ желЪти

40. Q тадбЪ. Иже кого оубьють oy клЪти или oy которой тадбЪ то оубьюгь во пса мЪсто оже ли додержить свЪта то вести на княжь дворъ оже ли оубити и а оуже будеть людье видили связана то платити в немь 12 гривни

41. Оже краде скотъ вь хлЪвЪ или клЪть то оже будеть одинъ то платити ему 3 гривны и 30 кунъ будеть ли ихъ много то всимь по 3 гривны и по 30 кунъ платити

42. Q тадбЪ. Иже ли крадеть скотъ на полЪ или овчи или козы или свиньи 60 кунъ [будеть ли ихъ много то всЪмъ по 60 кунъ]¹⁴

43. Оже крадеть гумно или жито вь ямЪ то колико ихъ будеть было а всимь по 3 гривны и по 30 кунъ

44. A oy него же погыбло оже будеть личе личемь поиметь а за лЪто возметь по полугривны

45.

46. ft холопЪ. Иже будеть холопи татье или княжи или боярьскии любо черньци ихъ же князь продажею не казнить зане суть не свободны то двоицю платити истьцю за обиду

£1 кунах. Иже кто взищеть кунъ на друзи а онъ ся начнеть запирати тоже нань послуховъ вьгеедуть то ти поидуть на роту а онъ возметь сет куны занеже не даль сму за много лЪтъ то платити ему за обиду 3 гривны

48. Аже купЪць кто в куплю дасть куны или в гостьбу то купцю предь послухи кунъ не имати послухы сму не надоби но ити сму самому ротЪ оже ся начнеть запирати

49. A поклажаі. Иже кто поклажаи кладеть oy кого любо то ту послуха нЪтуть oy кого тои лежить товаръ оже начнеть того клепати болшимъ тому ити ротЪ oy кого лежало како толко сси положилъ oy мене занеже сси бологодЪялъ сму хоронилъ

50. ft разЪ.¹⁷ Аже кто дасть куны в рЪзы¹* или жито в присопъ то послухы сму ставити како ся будеть рядиль тако сму имать

51. O мЬсяньнем. A мЬсяцныи рЪзы оже за мало то имати сму а заидут ли ся куны до того же года то дадять сму кунъ треть а мЬсячньит рЪзЪ поринути

52. Послуховъ не будеть а будеть кунъ 3 гривнЪ то ити сму про свои куны ротЪ будет ли боле кунь то речи сму тако промиловалса сси оже сси не поставиль послуховъ

53. Оуставъ Володимира князя. Ce оуставилъ Володимиръ Всеволо- дичь по СвятополчЪ созвавъ дружину свою на БерестовЪмь Ратибора кисвьского тысячкого¹⁹ Станислава переяславьского тысячкого Монислава Иванка Чюдиница Олгова мужа оуставили до третьяго рЪза оже смлеть вь треть куны аже кто возметь два рЪза тому взяти исто паки ли возметь 3 рЪзЪ1 то иста сму не взяти аже кто смлеть по 10 кунь шт льта того не согметати

54.

55. £1 долзЪ. Аже кто многимъ долженъ будеть а пришодъ гостъ из ыного города и²¹ за²¹ чюжеэемець а не вЪдая запустить товаръ за нь а опять начнеть не дати гостю кунъ а первии дольжници начнуть сму не дати запинаюче куны то вести на торгъ продати же и дати первое гостины куны а домашнимъ что ся останеть кунъ тЪмь ся подЪлять паки будуть княжи куны то княжи куны первое взятн а прокъ в дЪлъ аще кто много рЪза ималъ тому не имати

56. Аже закупъ бижить сот господы то обель идет ли искать кунъ а явлено ХОДИТИ ИЛИ KO князю или к судьями бЪжить обиды дЪля своего господина про то не роботить сго нъ дати сму правду

57. A закупЪ. Ажь oy господина родныи²² закупъ а погубить воискои²³ конь то не платити сму сже даль сму господинъ плугь и борону сот

него же копу ємлеть то то погубивше єму платити аще ли господинъ сго штшлеть на ино²⁴ орудье а погинеть без него того ему не платити

58. Аще изъ забоя вьшедуть закупу того не платити но оже погуби на полЪ и въ дворъ не вьвезеть и не затворить [гдЪ ему господинъ велить]* или орудья своя дЪя а то погубить то ему платити

59. Аже господинъ приобидить закупа а въведеть копу сго или отарицю то то ему все воротити а за обиду платити ему 60 кунъ

60. Пакы ли прииметь на немъ кунъ то опять воротити ему куны что будеть прияль а за обиду платити ему 3 гривны продажи

61. Продасть ли закупа господинъ обель то наимиту свобода всЪхъ кунахъ а господину платити за обиду 12 гривенъ продажи

62. Аже господинъ закупа бьсть про дЪло то без вины есть бьеть ли без ума пьянъ а вины не будеть то якоже вь свободнемь продажа тако ивзакупЪ

63. Аже холопъ обьлнии выведеть конь ции любо платити зань 2 гривны

64. Q законЪ.²* Аще закупъ вьтеде что то господину в томь не платити но оже гдЪ налЪзуть то переди заплатить господинъ его конь или что будеть взялъ а ему холопъ обелныи пакы ли господинъ не хотЪти начнеть платити за него а продасть и сотдасть же преди или за конь или за волъ или за товаръ что буде цюжего взялъ а прокъ ему взяти собЪ

65. Q холопЪ. Иже холопъ оударить свободна мужа а вбЪжить в хоромы а господинъ его не выдасть то платити за нь господину 12 гривенъ и за тЪмь аци гдЪ налЪзеть оудареныи своего истьця кто оударилъ то Ярославъ бьигь оуставилъ оубити но синови по отци оуставиша на куны любо бити розвязавше любо взяти гривна за соромъ

66. Q послушьствЪ. Ha послушьство холопа не кладьшають²⁷ сложити на боярьска тиоуна на дворьскаго а на инькь не складьшати а в малЪ тяжЪ по нужи сложити на закупа

67. A кто порветь бороду а выиметь знаменье а вьшизуть послуси то 12 гривни продажи а без людии в поклепЪ то нЪть продажЪ

68. Q зубЪ. Иже выбюгь зубы а кровь видять во рти oy него а людье вььлЪзуть то 12 гривенъ продажЪ а за зубъ гривна

69. Аже кто оукрадеть бобръ то 12 гривенъ

70. Аже будеть росЪчена земля или знаменье им же ловлено или сЪть то по верви искати въ собЪ татя любо платити продажю

71. Q борти. Аще знаменусть борть то 12 гривенъ

72. Аще межю перетнеть бортную или ролеиную розореть или дворную тьшомь перегородить межю то 12 гривенъ продажи

73. Аже дубъ потнеть знаменьныи или межныи то 12 гривенъ продажи

74. A се наклади 12 гривенъ отроку 2 гривны и 20 кунъ а самому Ъхати сь отрокомъ на двою коню судити же на рогь овесъ а мясо дати овенъ любо полоть инЪмь кормомь что имать черво возметь писцю 10 кунъ перекладного 10 кунь за мЪхъ 2 ногати

75. Q борти. Аще борть потнеть то 3 гривны продажи за дерево полгривны

76. Аще пчелы нелажены 10 кунъ будет ли олЪкь 5 кунъ аще пчелы вьщреть 3 гривны продажи

77. He будеть ли тать то по следу женуть аже будеть слЪдъ к селу ли к вару²* а не ютсоцять ют себе слЪду ни идуть на слЪдъ или ютбьються то тЪмъ платити тадбу и продажю слЪдъ гнати с чюжими людми и с послухы аже погубять слЪдъ на гостиницЪ на велицЪ жела не будеть или на пущи гдЪ не будеть ни села ни людии то не платити тадбы ни продажи

78. Q смердЪ. Аже смердъ мучить смерда безъ княжа слова то 3 гривны продажи а за муку гривна аже огнищанина мучити то 12 гривенъ продажи а за муку гривна

79. Аже лодью оукрадуть 60 кунъ продажи а лодью личомь воротити не будеть лица то за морьскую лодью 3 гривны а за боиную 2 гривни за челонъ 8 ногать а за стругь гривна

80. Q перевЪсЪхъ. Аще кто посЪчеть верею перевЪсную 3 гривны продажи а господину гривна за верею

81. Аще кто оукрадеть чии песъ или ястребъ или соколъ 3 гривны продажи а господину гривна за голубь 9 кунъ за куря 9 кунъ за оутовъ 30 кунъ за гусь 30 кунъ за лебедь 30 кунъ²*

82. A в сЪнЪ и въ дровехъ 9 кунъ а господину колько будеть возъ крадено имати ску по 2 ногати за возъ

83. O гумнЪ. Аще зажьжеть гумно то на погь^м и на грабежь домъ его переже пагубу исплативше а въ процЪ князю поточити и такоже кто и дворъ зажьжеть

84. Кто пакощами конь зарЪжеть или скотину за то 12 гривенъ а за пагубу господину оурокъ платити

85. A ты тяжи вси судять с послухы свободными будет ли послухъ холопъ то холопу на правду не вылазити но оже хощеть истець или именитии а ркя тако по сего рЪци емлю тя но язъ емлю тя а не холопъ емлеть и на желЪзо аже обинить и то емлеть и на немь свое не обинити ли его а платити ему гривна за муку зане холопьи рЪчи ялъ i

86. Q желУзном/. A желЪзного платити 40 кунъ а мечнику 5 кунъ а полъ гривны дЪчному то ти желЪзныи оурокъ кто се в чемъ емлеть

87. [А єже ємлетьр¹ на желізо по свободнькъ людии ріци любо ли запона в немь будеть любо прохоженьс ночнос или кимь любо образомъ аже не ожьжется то про мукы не платити сму но одино желізноє кто будеть ялъ

88. £2 жені. Аще кто оубьсть жену то тЪмь же судомъ судити якоже мужа ажь буде виновата³² то полъ виры 20 гривень

89. A в холопі и в робі нЪтуть виры но оже буде без вины оубьсны то за холопъ оурокъ платити или за робу а князю 12 гривень продажи

90. Q смердахъ. Аще смердь оумреть безажю то князю задница аще будуть доцери oy него дома то даяти часть на ні аже будуть замужемь то не даяти имь части

91. £2 безадници. Аще в боярьсті и дружини то за князя задниця не идеть но оже не будеть синовъ ино доцери возмуть

92. Аже кто оумирая раздилить домъ свои дЪтемъ на томъ стояти паки без ряду оумреть то всимь дітемь и самой³³ часть дати души

93. Аже жена сядеть по мужи то дати на ню часть аже что мужь възложить то мужю ссть госпожа а задниця си не надоби мужня

94. [Будуть ли дЪти то что первое жены то то възьмуть діти матери своей любо си на жену будеть възложилъ]³⁴ обаче матерь свою възмуть

95. Аже будеть сестра в дому то тои задниця не имать но шгдадять ю замужь по силі братия

96. Оуроци городнии. A се оуроци городнику закладаючи городню куна взяти а кончавши ногата а за коръмъ и за вологу и за мясо и за рыбы 7 кунъ на неділю 7 хлібовь 7 оубороковъ пшона 7 луконь овса на 4 кони имати же єму доколі срубять а солоду одиною дадять 10 луконъ

97. A мостнии оулици. Помостивше мостъ взяти сот діливь сот 10 локотъ по ногати ажи почини моста ветхого колко городень починить то взяти сму по куни wr городні а мостнику іхати самоу другу с отрокомъ на двою коню а овса 4 лукна на неділю а істи чьтомога

98. A бізадниці. Аже будуть робьи діти oy мужа то задниці не имати имь но свобода имь с матерю™

99. Аже будуть в дому діти малы а не почнуть сами собой печаловати а мати ихъ поиде замужь то кто имь ближе будеть тому дати на руці и с добыткомъ и э домомъ донелі же возмогоуть а товаръ дати предь людми а что срізить товаром тімь пригостить тому собі а истыи товарь воротить им а прикупъ собі зане кормиль и печаловалси аже сог челяди плодъ или сот скота то то все поимати лицемъ что ли будеть ростерялъ TO то сму все платити дітемь тімь а³³ чюжеи³⁵ сотчимъ приемьлеть с задницею діти то такоже ссть имь рядъ

100.A дворъ без діла отнь всякому меншому сынюи

101.£2 жені. Аже жена вречется по мужи сідити а ростерясть добытокь и поидеть замужь и то платити єи все дітемь

102.He хотіти ли начнуть дЪти си ни на дворЪ а она начнеть всяко хотіти сидіти то творити єи всяка воля а дітемь не дати волі но что си далъ мужь с тімь же єи сідити или свою часть вземше СІДИТИ же

103.A материя часть дітемь не надобі кому мати дасть тому взяти даст ли всимь да вси розділять безь языка ли оумреть то oy кого будеть на дворі была и кто ю кормилъ то тому взяти

104.Аже будуть двою мужю діти а одинои матери то онімь своєго отца задница а онімь своєго

105.Будет ли потерялъ своєго иночима что оніхь отча а оумреть то возворотить брату на неже людьє вьілізуть что будеть єго отець истерялъ иноцимля а что єму своєго отца то дерьжить

106.A матерь которой будеть єи сьшь добръ первого ли мужа другого ли тому же дасть своє ачи єи вси сынови будуть лиси и доцери можеть дати кто ю кормить

108.£2 задниці. Аже братя ростяжутци передо княземъ о задниці то которьпт дитиискьпт идеть ихъ ділить то тому взяти гривна кунъ

107.Оуроци суднии. A се оуроци суднии [оть виры 9 кунъ а метьнику 9 вікошь а бортнос земли 30 кунъ а метнику 12 вікши а сот роліинои земли такожде а освободивше челядинъ 9 кунъ а митнику 9 вікощь а сотъ иныхъ сот всіхь тяжь кому помогуть по 4 куны а метнику б вікошь

109.Оуроци ротнии. A се оуроци ротнии]³⁶ сот головы 30 кунъ а сот бъдрънои³⁷ землі 30 кунъ безъ треи кун такоже сот ролеинои землі а от свободны 9 кунъ

110.Q холопьстві. A холопъство обелноє троє оже кто купи хотя до полугривны а послухъ поставить а ногату дасть предъ самым холопомь и послухъ поставить а не без него а второе холопъство поиметь робу без ряду и поймет ли ся с рядомъ то како ся будеть рядилъ на том же стоить [а се третьєє холопьство тиунъетво без ряду с рядом ли то какося будеть срядилъ на том же стоить]³⁸

111.A въда ціну не холопъ ни по хлібі роботять ни придатці но оже не ходить года то вороцати ємлеть сотходит ли то не виноватъ єсть

112.Аже холопъ бижить а заповість и господинъ аже сльштавъ кто или зная и відая оже [холоп аf* дасть єму хліба или оукажеть ємоу путь то платити єму за холопъ 5 гривенъ кун а за робу 6 гривенъ кун

113.Аже кто переиметь чюжь холопъ и дасть вість господину сго то имати сму переємь гривну не оублюде ли то платити сму 4 гривны кунъ за холопь а пятая переємная єму а будеть роба 5 а шестая переемная сму сотходить

114.Аже кто самъ своего холопа досоцится въ чьемъ любо городЪ а будеть посадникъ не вЪдалъ єго повЪдавше ему поняти иже oy него отрокъ и щедъше оувязати и и дати ему вязебную гривну⁵⁰ [co6fc ему пагуба]⁴¹ а не платить в то никто же тЪм же и переима нЪтуть

115.Аже кто невЪдая чюжь холопъ оусрящеть или повЪсти дЪеть любо держить oy себе а идеть сот него то ити ему ротЪ яко не вЪдалъ есмь оже есть холопъ а платьже в томь нЪтуть

116.Аже гдЪ холопъ куны вылжеть а онъ буде не вЪдая далъ [то господину выкупати а не лишатися вЪдаа ли будеть далъ^а куны ему лиху быти

117.Аже кто пустить холопа в торгъ а одоржаеть то воскупати господину а лишитися его нЪлзи

118.Аже кто купить чюжь холопъ не вЪдая то первому господину холопъ пояти а оному куны имати ротЪ ходивше яко не вЪдая есми купилъ вЪдая ли будеть купиль то кунъ ему лиху быти

119.Аже холопъ бЪгая будеть добудеть товара то господину долгъ господину же и товаръ а не лишітися его

120.Аже хто бЪжа поиметь сусЪдне что или товаръ то господину платити oy кого что будеть кралъ

121.Аже холопъ крадеть кого любо то господину выкупати любо выдати с кимь будеть кралъ а женЪ не надобЪ ни дЪтемь но соже будеть с нимь кралЪ и хоронили и то всихь выдати пакы ли выкупаеть господинь аже будеть свободный с нимь крали или хоронили то князю въ продаж

122.Q копьи. Иже изломиль копьие другу любо щитъ любо порть да аще oy себе начнеть держати то прияті скота oy него иже что есть изломилъ аще ли начнеть скотомъ примЬтати ему заплати предь чадию или начнеть вЪдати колко будеть далъ на немь

ПРИМГГКИ

1. 3: русинъилигридь. 8: роусинълюбогридь.73: горожанинъ.

2. 3, 8: головника. 73: оубоиника.

3. 3, 8, 73: людинъ.

4. 3, 8: при.

5. 3, 8, 73: додано 3.

6. 3: тивунЪ. 8, 73: тиоунЪ.

7. B Пушкінському списку бракує ст. 16 i початок 17oi\ Наведено тут із тексту сп. 8.

8. Фраза в дужках пропущена в списку 72 1 доповнена із тексту списка 73.

9. 3: персгь. 8: пьрьсгь.

10. 73: вылЪэоуть.

11. 73: лЪцебное.

12. 73: ськрыстся. 3: ськрыеть. 8: ськрыеться.

13. 73: закличю. 3, 8: закличють.

14. Взяте в дужки пропущене в списку 72 і внесене тут із тексту списка 73. 13. 3, 8 i iH.: додано а за свинью 5 коунъ а за порося ногата а за овьцю 5 коунъ

16. 3, 8 1 iH.: соже не въсЪдано на нь.

17. 3, 8: рЫ. 73: р4зи.

18. 3: додано или наставъ в медъ. 8: додано или наставь на медь. 73: додано или насгавъ медъ.

19. 3, 8, 73: додано Прокопия тысячьского бЬлогородшого.

20. 3, 8, 73: додано или пробьсться.

21. 3, 8, 73: или.

22. 3, 8: ролЪиныи.

23. 79: своискы.

24. 3, 8, 73: свое.

25. Пропущено в списку 72; додаємо із тексту списка 73.

26. 3, 8: о закоупЪ.

27. 3, 8. 73: додано но шже не боудегь свободнаго то по ноужи

28. 3, 8, 73: товароу.

29. 3, 8: додано а за жеравь 30 коунъ.

30. 3, 8, 73: потокъ.

31. Додано 1э списка 73.

32. 3, 8: виноватъ.

33. 3, 8, 73: на самого.

34. Цього уступу нема в тексті списка 72. Подаю його із тексту списка 73.

35. 3, 8, 73: ащеже/и/.

36. Уступ в дужках пропущений в списку 72. Тут подаю текст із списка 73.

37. 3, 8, 73: бсортьнои.

38. Текст списка 72 пропустив цю статпо. Наводжу u за текстом списка 73.

39. Слова в дужках відсутні в списку 72 і внесені тут із списка 73.

40. 3, 8: додано а переима нЬтоуть аче оупоустить /и гоня/.

41. Пропущене в тексті списка 72. Вміщене із тексту списка 73.

42. Уступ в дужках пропущений в списку 72. Передаю текст із списка 73.