«УСТАВ СВЯТОГО КНЯЗЯ ВОЛОДИМИРА, КРЕСТИВШАГО РУСЬСКУЮ ЗЕМЛЮ, O ЦЕРКОВНИХ СУДЕХ»
1. Во имя отца, и сына, и святого духа.
2. Ce яз, князь Василии', нарицаемы Володимир, сын Свя- тославль, внук Игорев и блаженыя княгини Олгы, въсприял есмь святое крещение от грецьских царей Константина и Василия, и от Фотия патриарха царегородьского, взях пьрваго митрополита Леона Киеву, иже кьрсти всю землю Русьскую святымъ крещеньемъ.
3. По томъ же летом многым минушем создах церковь святыя Богородица Десятиньную и дах ей десятину по всей земли Русьстеи ис княжения в сборную церковь от всего княжа суда десятую век- шю, а ис торгу десятую неделю, а из домов на всяко лето от всякого стада и от всякого жита чюдному Спасу и чюднеи его матери.
4. По томь разверзъше грецьскыи Номоканон[51] [52] и обретохом в немь, оже не подобаетъ сих судов и тяжь князю судити, ни бояром его, ни судиям. 5. И яз, съгадав с своею княгинею с Анною[53] и с своими детми, дал есмь ты суды церквам, митрополиту и всем пискупиям по Русьскои земли. 6. А по семь не надобе вьступатися ни детем моим, ни внучатом, ни всему роду моему до века, ни в люди церковные, ни во все суды их. 7. То все дал есмь по всем городом и по погостом, и по свободам, где нъ суть християне. 8. И своим тиуном приказываю церковного суда, не обидети ни судити без владычня наместника. 9. А се церковний суди: роспуст, смилное, заставанье, пошиба- нье, умычка, промежи мужем и женою о животе, в племени или в сватъстве поймуться, ведьство, зелииничьство, потвори, чародеяния, волховования, урекания три: бляднею и зельи, еретичьство, зубоежа, или сын отца бьетъ, или матерь, или дочи, или сноха свекровь, братя или дети тяжються о задницю, церковная татьба, мертвеци сволочатъ, крест посекуть или на стенах режють, скот или псы, или поткы без великы нужи въведет, или ино что неподобно церкви подсеть, или два друга иметася бити, единого жена иметь за лоно другаго и роздавить, или кого застануть с четвероножиною, или кто молиться под овином, или в рощеньи, или у воды, или девка детя повержеть[54]. 10. Те все суды церкви даны суть. Князю и бояром и судьям их в ты суды нельзе въступатися. 11. То все дал есмь по пьрвых царев уряженью и по все- леньскых святых семи зборов великых святитель. 12. Аже кто преобидить нашь Устав, таковым непрошеным быти от закона божия и горе собе наследують. 13-А своим тиуном приказываю суда церковного не обидети и с суда давати 9 частий князю, а 10-я — святей церкви. 14. А кто пообидить суд церковный, платити ему собою, а перед богомь тому же отвечати на страшней суде пред свтыами ангел, иде же когождо дела не скрыються благая или злая, иде же не поможетъ никто же кому, то токмо правда избавить от вторыя смерти, от вечныа мукы, от хрещення неспасенаго, от огня негасимаго. Господь речче: в день месть въздамь сдсржащим неправду в разуме, тех огнь не угаснетъ и червь их не умреть, створшим же благая — в жизнь и в радость и неизреченную. А створшим злая в въскрешенье суда, им же рече, неизмолим суд обрести. 15. Еже искони уставлено есть и поручено святым пископьям городьскые и торговые всякая мерила и спуды извесы, ставила, от бога тако искони уставлено пискупу блюсти бес пакости, ни умалити, ни умножити, за все то дати ему слово в день суда великаго, яко же и о душах человеческах. 16. А се церковные люди: шумен, поп, дьякон, дети их, попддия и кто в клиросе, игуменья, чернець, черница, проскурница, паломник, лечець, прощеник, задушьныи человек, стороник, слепець, хромецъ. Манастыреве, болнице, гостинници, странноприимнице[55]. 17. То люди церковные, богадельные. Митрополит или пискуп ведает межи ими суд, или обида или котора, или вражда, или задница. 18. Аже будетъ иному человеку с тымь человекомь речь, то обчий суд. 19. Кто преступить си правила, яко же есмы управили по святых отецъ правилом и пьрвых царев управленью, кто иметь преступали правила си, или дети мои, или правнучата, или в котором городе наместник, или тиун, или судья, а пообидять суд церковный, или кто иныи, да будуть прокляти в сии век и в будущий семию зборов святых отець вселеньскых. 3.