Житіє 3 житіє сбитого Володимира, ОПУБЛІКОВАНЕ О. I. СОБОЛЕВСЬКИМ
Житіе святаго и равного апостолнаго великаго князя кіевскаго Владимера Росіи самодержца, названаго въ святомъ крещеніи Василія, который окрестилъ всю землю російскую, выбрано з лѣтописца рускаго, преподобнаго отца Нестора Печерскаго
Благословенъ Богъ и отецъ Господа нашего Іисусъ Христа, (отецъ) щедротамъ, который всѣмъ человѣкомъ хощетъ спастися и в разумъ истинный прійти, ижъ не допустылъ до конца нашой руской землѣ въ темности невѣрія и болвохвалства быти, але, яко отецъ чадолюбивый, из- воли свѣтомъ ласки крещенія святаго еи просвѣтити и в разумъ истинный, до познанья себѣ, правдивого, въ святой Троици славимаго Бога, презъ благовѣрнаго и равноапостолнаго великаго князя Влади- меря, привести.
Претожъ прійдѣте, рускаго народу вшелякого возрасту и стану православніи, поклонѣмся Богу въ святой Троици единому, хва- ляще его пресвятое имя и великую на насъ мило сть. Прійдѣте, похвалимъ святаго и равноапостолнаго великаго князя Владимера, отца нашего, наставника й ходотая спасенія нашего, который, яко великіи Конъстянтынъ, вторый и чудный святый апостолъ Павелъ, не отъ человѣкъ званіе принялъ, але съ небесе, и въ святой купели душевной, посполу и телесной позбывши слѣпоты и благодати Духа Святаго на- полнившыся, до конца болваны покрушилъ и выкоренилъ и всю землю рускую святымъ крещеніемъ просвѣтилъ, вѣровати и кланятися въ святой Троици единому Богу Отцу и Сыну и Святому Духу всѣхъ людей російскыхъ научилъ.Сей святый и равноапостолный великій князъ Владимеръ сынъ былъ Святославовъ, князя кіевскаго, роду варяжского. Первѣи болваномъ кла- нялъся и великое старанье ведлугь преданья отцовъ своихъ коло ныхъ
45 Цит. за: Соболевский А. И. Памятники древнерусской литературы... - С. 32-45.
чинилъ. Отецъ его Святославъ мѣлъ трохъ сыновъ: Олга, Ярополка і его.
Ярополкъ же, по смерти отца своего, княжѣлъ въ Кіевѣ; Олгъ въ Овручевѣ и въ всемъ Полѣсъю, а Владимеръ въ великомъ Новгородѣ. Въ тыя же лѣта Ярополкъ убы брата своего Олга; и пославшы Владимеръ слугъ своихъ до брата своего Ярополка, напоминаючи его, ижъ убылъ брата своего Олга, боячися, абы и ему такъ же презъ зраду не учинилъ того, якъ Олгу брату своему, и пошелъ за море до Варягъ. А Ярополкъ, розумѣючи, ижъ бы Владимеръ утеклъ з Новгорода, Ярополкъ же, при- шедши зъ войскомъ своимъ до Новгорода, облеглъ и узялъ великій Новгородъ. Владимеръ же зобравшы за моремъ войско великое, розныхъ народовъ: Варягъ, Славянъ, Чудовъ и Кривичовъ и пришолъ знову до Новгорода, и послалъ слугъ своихъ до брата своего Ярополка, ознай- муючи ему, ижъ идетъ, мовитъ, братъ твой Владимеръ на тебе з войскомъ своимъ, мстячися смерти братней. Послалъ тежъ Владимеръ и до князя полоцкого Розволвѣда, просячи его, абы свою дочку Розгнѣдь далъ за жону ему. А князь полоцкій не хотѣлъ того учинити; Владимеръ же, маючи войско великое - готовое розмаитого люду, и ишолъ на князя полоцкого и убылъ его и двохъ синовъ его забылъ, а дочку его Розгнѣдь взялъ собѣ за жону. И потомъ притягнулъ Владимеръ зъ онымъ всѣмъ войскомъ своимъ до Кіева на брата своего Ярополка. Ярополкъ же, не маючи противко Владимера такъ много войска, заперъся з людомъ своимъ в Кіевѣ. И ставши Владимеръ подъ Кіевомъ, окопался, и послалъ до воеводы кіевского Блуда, намовляючи его, абы ему спріялъ въ который часъ забыти Ярополка, обѣцуючи ему великую нагороду и честь. Воевода же Блудъ, то ему справити обѣцалъся, бо противъ прозбы Владимеровы такіи дѣла показовалъ, облудне съ паномъ своимъ поступуючи. Отъ того часу часто воевода Блудъ посилалъ до Владимеря, указуючи ему часъ приступу чинити до Кіева, а самъ умыслилъ убыти пана своего, радилъ Ярополку утѣкати с Кіева. Ярополкъ же, не вѣдаючи зрады его, послу- халъ и утеклъ с Кіева и заперся въ мѣстѣ Роднѣ. Владимеръ же, взявшы Кіевъ, послалъ войско свое до Родна и облеглъ Ярополка. Знову Блудъ радилъ воевода Ярополку, абы ся Владимеру поклонилъ. Онъ, незнаючи о зрадѣ его, послухавшы словъ его, ѣхалъ до Владимера, хотячи поклонитися ему, а оный воевода потай Блудъ ознаймовалъ о томъ Владимеру, ижъ бы ожидалъ Владимеръ Ярополъка въ теремлѣ - фолваръку отцовскомъ. А гди пріихалъ Ярополкъ, хотячи поклонитися Владимерю, зне- нацка два Варяги мечами, на дверехъ стоячи, взяли подъ пазуху Яро- полка. И на томъ мѣстцу убылъ его Владимеръ и сѣлъ на великомъкняженіи кіевскомъ и былъ самодержецъ всеа Русіи; взялъ же и жону за себе брата своего Ярополка Грекиню.
А кгди заставши Владимеръ самодержцемъ всего княженія кіевскаго, уставилъ по всемъ панствѣ своемъ болваны, найпервѣй поставилъ болвана Перуна найстаршаго въ Кіевѣ городѣ на томъ мѣстцу, где теперь церковъ святаго Василія, и по иныхъ мѣстцахъ поставлялъ болвановъ, которымъ имена нижей суть описаны, чинячи имъ офѣри, честь и поклонъ бозкіи. Такъ же и людемъ всѣмъ приказовалъ подъ срокгымъ караньемъ офѣры имъ чинити и за боги ихъ чтити; а если бы хто не хотѣлъ, в такихъ маетности и достоинства отбырано, а ихъ смертю карано. Що всѣ людіе видячи, такую наглую смерть, во всемъ повѣтѣ, за ро сказаньемъ его, називали ихъ богами и офѣры имъ чинили. А потомъ Влади- меръ послалъ до великаго Новгорода кревнаго своего Добрыню, абы на его мѣстцю въ великомъ Новгородѣ княжѣлъ. А гди оный кревный его, пріихавшы до великого Новгорода, гди видѣлъ, якіи Владимеръ офѣры богомъ своимъ въ Кіевѣ чинылъ, такъ і онъ чинилъ въ великомъ Новгородѣ, ставилъ болваны и богами ихъ называлъ и кланялъся имъ и офѣры имъ чинити людей примушалъ.
Маючи теды Владимеръ покой отъ всѣхъ сторонъ, неповстягливостю невѣстъ былъ опанованый, мѣлъ шесть жонъ. Первая была Розгнѣдь, с которою сыновъ 4 росплодилъ: перваго Изяслава, Мстислава, Ярослава, Всеволода, и двѣ дочки мѣлъ.
Вторая была Грекиня, жена брата Яро- полка, с которою мѣлъ сына Святополка, который братовъ своихъ Глѣба и Бориса позабывалъ. Третяа была Чехиня, с которою имѣлъ сыновъ двохъ, Вышеслава и Мстислава. Пятая была Болгарыня, с которою мѣлъ сыновъ двохъ, Бориса и Глѣба. Шестая была Грекиня, для которой крестился, с которою мѣлъ дочку Марію; тая была отдана за первого кроля Казимеря полского. Тая родила Болеслава Смѣлого, который убылъ Станѣслава быскупа краковского. Мѣлъ тежь Владимеръ подложницъ пятьсотъ: 300 у Вышъгородѣ, а 200 у селѣ Неберестовомъ, еднакъ же не досить ему тыхъ было, але еще и панны, которіи ся ему подобали, и тыхъ до себе казалъ брати на ночъ, не тылко панны, але и отъ мужовъ жоны бралъ, бо былъ велми несытъ блудомъ, якъ и Соломонъ. А тое-то Вла- димеръ чинылъ в тотъ часъ, гди еще в темности зоставалъ болвохвалъс- тва. А потомъ, гди былъ небеснымъ свѣтомъ просвѣщонъ, и позналъ правду, а христіяниномъ зоставшы, отъ того часу уже такихъ спросностій самъ не чинилъ и другимъ того заказовалъ и боронилъ, ижъ бы такихъ спросностей переставали. И ишолъ едного часу Владимеръ з войскомъ своимъ до Ляховъ подъ мѣсто Премышль и мѣсто ихъ съфлюндровалъ и иныхъ много побралъ. Того жъ року мѣсто и Тятичъ звоевалъ и вложилъ на ныхъ дань отъ плуга по шелягу, року 984, а гди оттоль пошолъ, и ишолъ Владимеръ на Ятвяги и тамъ звоевалъ всю землю ихъ, и ишолъ оттоль до Кіева, и пришедши до Кіева, чинилъ офѣры болваномъ. В тотъ часъ христіянина Варяга з его сыномъ Иоаномъ убылъ, яакъ о томъ в житіи ихъ обширнѣй написано. А потомъ ишолъ Владимеръ на Болгары и тамъ ихъ звѣтяжилъ, и покой з ными вѣчный учинилъ.А кгды зась Господь Богъ въсхотѣлъ выбрати собѣ людій, и послалъ ласку Святаго Духа на Владимера, который, якъ отъ сна темности бал- вохвалства очкнувся, до познанья правдиваго Бога пришолъ, свѣтомъ правды просвѣщонъ, святымъ крещеніемъ въсиновленъ, Бозу самъ себе привелъ, и всю рускую землю нашу просвѣтилъ.
Тутъ вкротцѣ о крещеніяхъ нашой руской землѣ положено, якъ много разъ и за чіего панства и коли крестилася, ведлугъ летописцевъ многихъ а особливе преподобного Нестора Печерскаго. Первое крестилася Русь и народъ словенскій отъ святаго славнаго и всехвалнаго первозваннаго апостола Андрея, бо святыя апостолъ Андрей, будучи въ Херсонѣ, пус- тылся въ гору Днѣпромъ ажъ до великого Новгорода, а пришедши на гори кіевской, благословилъ людій и крестъ святый на ныхъ водрузилъ, где теперъ церковъ святого Семіона стоитъ, пророкуючи имъ, ижъ на той горѣ мѣло знаменитое и хвалою Божіею наполненное мѣсто быти и вѣра святая возсіяти; и которіи тамъ люде жилы, в тотъ часъ святый апостолъ Андрей, вѣры Христовой научившы, и окрестилъ ихъ. И пошолъ Днѣпромъ до великого Новгорода и тамъ много людіа вѣры Христовой навчывъ, и окрестилъ ихъ. Придаеть лѣтописца преподобный Несторъ, же святый апостолъ Павелъ училъ людей и проповѣдалъ емъ еѵангеліе Христово въ Миссіи и Илѵрику, яко въ дѣяніяхъ пишетъ: Миссія и Ілѵрикъ словенская есть земля. А потомъ святый апостолъ Павелъ Сло- вяномъ ученика своего Анъдроника зоставилъ, единаго з седмидесятъ апостолъ, который училъ и крестилъ въ Илѵрику и Миссіи, то есть въ Болгарехъ въ Босіи и в Моравѣ, где Анъдроникъ в панствѣ въ Спаніи епископомъ былъ. Повторе крестилася Русь року отъ рожества Христова 863, за Михаила, царя грецкого, а за патріарха константинополскаго Фотія, отъ которыхъ тежъ презъ прозбу князей словенскихъ Святополка, Ростислава и Коцела присланы были Словяномъ и Руси учители вѣры Христовой - Меѳодій и Кирилъ, сынове человѣка зацного, з Солуня. Тыи Духомъ Святымъ зложили словенскіи литери и переложили на языкъ словенскій грецкій книги, еѵангеліе и апостолъ и иныи. Вотрете крести- лася Русь року отъ рожества Христова 886, за Василія Македона, царя грецкаго, а за патріярхи тогожъ Фотія, отъ которыхъ присланъ былъ на крещеніе Русіи, при князю Олгу, митрополитъ Михаилъ.
Который гди до ныхъ пріихалъ, просили его вси людіе, абы найпервѣй чудо якое значное учинилъ; а онъ питалъ ихъ, якого бы чуда потребовали. Они же рекли ему: книга еѵангеліе, которая учитъ вѣры Христовой, нехай будетъ въ- киненна въ огонь, и если не згоритъ, по томъ познаемъ, ижъ великъ есть Богъ, которого ты проповѣдуетъ. Митрополитъ же казалъ великый огонь посредь мѣста накласти, и вложивъ святое еѵангеліе въ огонь, а самъ по- днявты руки в небо, молилъся Господу Богу. А гди дрова погорѣли, а огонь погась, и стали искать въ ономъ попелѣ, и знайтлы святое еѵангеліе все цѣло, нѣ трохи не было нарушено. Тое чюдо людіе видячи, многіи увѣрили въ Христа, и крестилися. Почетверте крестилася Русь року отъ рожества Христова 955, за святой Олги, княгинѣ руской, жоны Игоровой, бабы святаго Владимера, которая ѣздила до Константинополя для вѣры и крещенія святаго, где крестилъ ю святый патріярха Поліектъ, а самъ царь грецкій Константинъ осмый пріемникомъ еи въ святомъ крещеніи былъ; которая, вернувтыся отъ Константинополя, многыхъ в Руси крестила. Але всѣ тіи крещенія чтыри вкусы бывты не укоренилися для частыхъ воинъ и княжатъ поганскихъ. Поневажъ и Олга сина своего Святослава навернути до вѣры Христовой не могла.Пятый разъ досконале крестилася Русь, такъ же отъ Константинополя, за святаго равноапостолнаго великого князя Владимеря всеа Русіи самодержца, а за царей грецкихъ Василія и Константа, а за патріархи константинопольскаго Николы Хрисоверха, року отъ рожества Христова 981, яко натъ рускій кройникаръ святый Несторъ свѣдчитъ. Почали приходити розніи народи до Владимера, з розныхъ панствъ, хвалячи ему свою вѣру кождый з ныхъ. Найпервѣйте притлы вѣры махометовой. Владимеръ же спиталъ ихъ, якая вѣра вата есть; оны отповѣдали ему: вѣруемъ Богу, а Махометъ намъ позволяетъ жонъ имѣти, хто колко хочетъ, и роскотый втелякыхъ зажывати, тылко обрѣзоватися, свиного мяса не ѣсти и вина не пити. И иныя послутныя речи повѣдали, которыхъ не пристоитъ и писать. Владимеръ слухалъ охотне о женахъ, бо былъ женолюбецъ великій; але обрѣзаніе и непитіе вина ему ся не подобало. И мовилъ до ныхъ: мы не можемъ без вынного питія пробуть, по- неважъ в Руси все веселіе и пріязнь въ подпитью есть. Потымъ притлы Нѣмъци, Римляне, Жиды, залѣцаючи ему кождый з ныхъ свою вѣру. А онъ жадной з ныхъ не уподобань. Того жъ року и грецкія цереве Василій и Константынъ, послали Кирила филозофа до Владимера з великими подарками, межи которыми и запона гафтованая, барзо коштовная, на которой было второе пришествіе Христово, страшный судъ. Святый же Ки- рилъ обшырне научилъ Владимера с писма святаго о вѣры христіянской, показуючи пророчества ему о Христѣ отъ початку свѣта, при концу зась о второмъ пришествіи Христовомъ и страшномъ судѣ. И скончавшы мову свою, отдалъ ему тую запону. Которую-то запону обачившы Владимеръ, испыталъ филозоѳа, што то есть. Святый же Кирилъ отповѣдѣлъ ему: прійдетъ Господь Богъ, праведный судія, судити всѣхъ праведныхъ и грѣшныхъ, едныхъ же поставитъ по правици, а другихъ по лѣвици; то всѣ не крещенніи и грѣшніи, що стоятимутъ по лѣвицы, то тыхъ всѣхъ пошлетъ до пекла въ огонь не угасимый и въ муку вѣчную; а которіи стоятъ по правици, тыхъ всѣхъ прійметъ до царствія небеснаго на вѣчное веселіе и невымовныхъ, розумомъ людскимъ не понятый роскоши и утѣхи, которіи вечне будутъ заживати. Владимеръ же воздхнувши рекъ: щасливыи тіи, которіи на правици станутъ; але бѣда тымъ, которіи на лѣвици. Святый же Кирилъ рекъ: и ты по правици будешъ, если окрес- тишъся и злыхъ учинковъ перестанешъ. Владимеръ же взялъ себѣ на ро- зумъ, и мислилъ в себѣ, мовячи до филозофа: розмишлюся и добре вивѣдаюся о всѣхъ вѣрахъ. Обдарившы же филозофа, и отпустылъ его съ честю. Владимеръ же по отъѣздѣ святаго Кирила, всѣхъ бояръ своихъ зозвавъ, мудрыхъ людей, старихъ и молодихъ, и реклъ имъ: ото приходили до мене з розныхъ панствъ и розныхъ вѣръ люде: вѣры махомето- вой, Нѣмцы, Жиды, Рымъне, хвалячи з ныхъ кождый свою вѣру. Наопослѣтежъ всѣхъ пришолъ нѣкоторый мужъ грецкое вѣры, который велми дивныя речи повѣдалъ, почавшы отъ початку свѣта даже до сего часу; а надъ все повѣдалъ, ижъ по смерти каждый человѣкъ воскреснетъ; и если тутъ на семъ свѣтѣ хто добре будетъ чинити, той въ небѣ на вѣки будетъ утѣхи невымовныя заживати и радоватися, а хто зась тутъ на семъ свѣтѣ зле чинитъ, а любо бы и добре чинилъ, а не будетъ христіяниномъ, той тамъ в пеклѣ на вѣки въ огнѣ неугасимомъ мучитися будетъ. Рекли до него бояре и вси мудріи его: нѣволи нѣхто своего не ганитъ, але завше кождыи свое хвалитъ; еднакъ ты, великій княже, если хочешъ правду познать, то маешъ много мудрыхъ людей; пошлы ихъ по всѣхъ земляхъ, нехай обачатъ кождую вѣру, и якъ хто служитъ Богу, а потомъ пришедшы дадутъ тебѣ и намъ справу о томъ доволне. Которыхъ выслухавшы Вла- димеръ, послалъ мужей десятъ мудрыхъ по всѣхъ земляхъ на вывѣдованье вѣръ, и якъ хто служитъ Богу. Посланніи же отъ Владимера были въ розныхъ сторонахъ, приглядаючися и вѣвѣдуючися о вѣрахъ, якъ хто служитъ Богу. А на остатокъ пріихали и до Константинополя, до царей Василія и Константина, повѣдаючи имъ причину пріизду своего. А цары оные рады имъ были и ознаймили святѣйшому патріарсѣ Сергію, и причины пріизду ихъ. Святѣйшый же патріархъ Сергій казалъ украсити церковъ и празникъ учинилъ, и самъ у коштовныхъ апаратахъ з многими епископы службу Божію отправовалъ; а цары Василій да Константинъ, под часъ службы Божей, прохали пословъ до церкви. А гды оные послы войшлы въ церковъ и узрѣли оздобу хвали Божія и пѣсны вдячныя, велми удивишася, а розумѣючи, ижъ на небеси, а не на земли стояли, бо освѣтилъ былъ ихъ свѣтъ съ небесе в тотъ часъ, и были въ видѣніи. Скон- чавшы же патріархъ набоженство, взявшы ихъ цари и гойне учтившы и обдарившы, отпустили. А гди посланіе оть Владимера вернулися, онъ знову Владимеръ всѣхъ бояръ и людей своихъ мудрыхъ, старыхъ и мо- лодихъ, зозвавшы, питалъся пословъ предъ всѣми: где есте що видѣли и слышали о всѣхъ вѣрахъ и о службахъ боговъ, повѣдайте. Посланцы же повѣдали, мовачи: булисмо по всѣхъ сторонахъ, а гдисмо пріихали до грецкоѣ церкви и войшлысмо въ церковъ, где ся оны Богу молятъ и на- боженство свое отправуютъ, видѣлисмо не выповѣдимую оздобу въ церкви ихъ и спѣваня до слуханья барзо вдячныя, где насъ всѣхъ облакъ свѣтлый освѣтилъ, я былисмо въ видѣніи, и здалося намъ, жесмо не на земли, але на небеси на той часъ стояли. И не машъ нѣгде такого набо- женства въ всѣхъ народахъ, и въ церквахъ отправы, якъ въ ныхъ. А пре то вѣруемъ, ижъ правдивая ихъ есть вѣра и правдивый Богъ съ тыми тылко людми живетъ. Рекли бояре до Владимера: если бы вѣра грецкая не была правдивая, то бы и баба твоя Олга не увѣрила, бо невѣста была барзо мудрая.
И такъ Владимеръ вѣру святую грецкую, якъ свѣчу на свѣтилнику узрѣвшы, и познавъшы, ижъ она правдивая есть, возлюбылъ ю и реклъ: що учиню? пойду въ землю ихъ и найду тамъ учителей. А якъ умыслылъ, такъ и учинилъ. Зобравшы войско великое, и рушылъ до Таврикіи, що теперъ тое мѣсто зовутъ Перекопомъ. А гди и Херсонъ взавшы, въ тотъ часъ послалъ до царей херсонскихъ, зычачи собѣ сестры ихъ Анны за малжонъку. Оны тежъ отповѣдали: не машъ у христіянъ такого звычаю, абы за некрещеныхъ отдавали. Если ся охрестишъ, то не тылко тое, але и болшего, то есть царство небесное одержишъ. Владимеръ же отповѣдѣлъ: ужемъ я давно уподобалъ вѣру вашу, гдымъ еще посылалъ пословъ моихъ. А пре то пришлѣте епископа, а окрещуся. Вдячную новину услышавше цареве, намовляли сестру свою, абы ишла за Влади- мера. Которая убо и не хотѣла, еднакъ уважаючи спасеніе такъ великого народу и покой отчизны своеи, призволила. Пре то жъ ѣхала царевна зъ великимъ мнозствомъ княжатъ грецкихъ и зъ епископы до Херсоня. Где пріихавшы, гди была проважона на палацъ замку херсонского, на той часъ Владимеръ ослѣпъ знагла и почалъ былъ вонпити о вѣры святой, розумѣючи, ижъ то его поганскіи богове скарали; але царевна послала до него, мовячи: если хочешъ видѣти, крестися; а если окрестишъся, то не тылко телесной, але и душевной слѣпоты позбудешъ, а що болшого царства небеснаго дѣдичемъ зостанешъ. Владимеръ же рекъ: если то правда будетъ, по томъ познаю, же вѣра христіанская есть правдивая, и Богъ ихъ надъ всѣми боги; і казалъ крестити себе. А гди епископъ почалъ его крестити, сталося чюдо знаменитое. Бо гди скоро тылко вступилъ Владимеръ въ святую купѣль, заразъ якъ луска зъ очій его спала, и видѣлъ ясно, якъ и первей, и жадного болю не мѣлъ, якъ бы нѣгди на очи не хорѣлъ. За що славилъ Бога въ святой Троици единаго, мовячи: теперъ позналемъ правдиваго Бога.
На святомъ крещеніи дано имя ему Василій. Просвѣщенъ будучи Владимеръ душею и тѣломъ, радовался. Що видяче бояре его, многіе з ныхъ крестилися.
Учинившы Владимеръ веселье ведлугъ звичаю и взявшы благословеніе и митрополита Михаила отъ святѣйшаго патріархи Сергія, ѣхалъ до Кіева. А гди пріихалъ, людъ его посполитый з великою радостію вы- талъ. Привѣзъ же на тотъ часъ изъ собою мощи святаго священомуче- ника Климента и ученика его Агаѳа, и иныхъ святыхъ немало, образы, книги, аппарати и иное начинье церковное, священиковъ діяконовъ, иноковъ, дяковъ розмаитыхъ з Греціи до Кіева.
Потомъ назначилъ день всему посполитству до крещенія святаго. И казалъ по всемъ мѣстѣ въ Кіевѣ выклыкати, мовячи: если хто не будетъ того и того часу на рѣцѣ Почайной, якъ богатый, такъ и убогый, старый и молодій, волный и неволный, той будетъ Господу Богу Іисусъ Христу, Богу правдивому, и мнѣ противный. Тое людіе слышачи и шлы всѣ часу назначоного на рѣку Почайную. Где ся было зобрало велми много обоего полу вшелякого возрасту, старыхъ и молодыхъ, тогди и самъ Владимеръ зо всѣмъ грецкимъ духовенствомъ тамъ прибылъ. И казалъ увойти у воду, болшымъ глубше, а малымъ мѣлшей, а священникомъ при берегу стоячи крестити ихъ. Священницы же кождому з ныхъ до крещенія свя- того наложныя читаючи, крестили всѣхъ въ имя Отца и Сына и Святаго Духа. Того жъ дня самъ митрополитъ Михаилъ всѣхъ 12 сыновъ Влади- меровыхъ, которыхъ з розныхъ женъ мѣлъ, особъно въ рицѣ окрестилъ. И отъ того часу тую криницу надъ Днѣпромъ, где ся оны крестили, и по сей день Хрещатикомъ кіяне зовутъ.
Святый же Владимеръ по святомъ крещеніи молилъся Господу Богу, мовячи такъ: Боже святый, сотворивый небо и землю, призри на новокрещенныхъ людій твоихъ, дай имъ, Господи, истинно познати Тебе, Бога правдиваго, утверди ихъ въ православной вѣры. И мнѣ помози, абымъ звѣтяжидъ такъ выдимыхъ, якъ и невидимыхъ всѣхъ непріятелей моихъ, аминь. Потомъ заразъ Владимеръ послалъ по всѣхъ мѣстахъ и селахъ крестити всѣхъ, которіи колвекъ были въ его панствѣ. А если бы ся хто крестити не хотѣлъ, на такихъ караня конечне, яко не на послушныхъ постановилъ. Приказалъ тежъ болвановъ палити, крушити и божници ихъ до грунту вывертати, а на тыхъ мѣстцахъ церкви святыа ставити. А найпервѣй самъ поставилъ церковь въ Кіевѣ въ имя Пресвятыя Богородицы, праве царскимъ коштомъ, на которую и десятину зо всего панства своего казалъ давати, которую и теперъ зо всѣхъ Десятиною зовутъ.
Тутъ же спомнимъ і о болванохъ, которыхъ оны мѣли за боги; ижъ бы негодно ихъ было и споминати, але для того, абысмо познали, якою слѣпотою болвохвалства на той часъ діяволъ послѣпилъ былъ людей, и до якого шаленства приводилъ и ошукуваня, же не тылко не знали правдиваго Бога, але еще бездушнымъ нѣмымъ речамъ отъ людей учиненымъ належачую честь бозкую отдавали. Первый теды въ ныхъ богъ былъ Перунъ, з дерева учиненный на образъ человѣчій; голова ему была срѣбная, а усы золотыи; в которого камень былъ въ рукахъ велми ясный, предъ которымъ огонь завше горѣлъ; а если ся бы трафило за недозорствомъ попа имъ служачого огню загаснути, такого безъ вшелякого фолгованъя и вымовки, якъ непріятеля бога своего, убивалы. Вторый въ ныхъ богъ былъ Волосъ быдлячій. Третый въ ныхъ богъ былъ Позвѣздный, его зы- вали Похвистъ, а нѣкоторіи и вѣтромъ его называлы; того вызнавали быти бога воздуха, погоды и непогоды. Четвертый въ ныхъ богъ былъ Ладо. Того вѣрили быти богомъ веселя, утѣхи и вшелякого доброго по- важенъя; тому офѣры чинили, которіи женитися мѣли, абы за его помочью веселіе доброе и житіе любовное мѣли. Того Лада по нѣкоторыхъ сторонахъ и до сего дня на весѣляхъ, руками плещучи, або объ столъ бьючи, Ладо, Ладо, спѣваютъ, и въ вшелякихъ пѣсняхъ своихъ часто его споминаютъ. Пятый въ ныхъ богъ былъ Купало, которого урожаю быти бога розумѣли; тому тежъ шаленыя и зведеній подякованья и офѣры приносили, на початку жнивъ; которому-то Купалѣ богу, або рачей бѣсу, по нѣкоторыхъ сторонахъ и теперъ памятку отправуютъ, а особливе въ навечеріе рожества святаго Іоанна Предтечи, такимъ способомъ: въ вечер зобравшыся младенцы и панны, плетутъ собѣ вѣнки изъ зѣля розного, которіе кладутъ на голову и опоясуются имы. Кладутъ зась огонь и берутся за руки, и около огня оного скачутъ, спѣваючи пѣсни, въ которыхъ часто споминають Купала. А потомъ презъ оный огонь прескакуютъ, бѣсу оному Купалѣ офѣруютъ сами себе, и иныхъ много вымысловъ бѣсовскихъ бридъкихъ на той часъ на оныхъ соборыщахъ чинятъ, що неслушная и писмомь подати. Нѣкоторіи з ныхъ криницамъ, озерамъ за об- фитость урожаю приносили, а часомъ на офѣру и людей топили, що и теперъ по нѣкоторыхъ сторонахъ безрозумніи чинатъ подъ часъ знаменитого праздника воскресенія Христова: зобравшыся молодіи обоего полу и взявши человѣка, въкидаютъ у воду, и трафляетъ за споряжаньемъ тыхъ боговъ, то есть бѣсовъ, ижъ въкиненый въ воду албо о дерево, албо о камень розбывается, албо утопаетъ. А въ иншыхъ сторонахъ не кидаютъ у воду, але тылко поливаютъ водою, що еднакъ же тому же Богу офѣры чинятъ. Шестый въ ныхъ богъ былъ Коляда, которому праздникъ великій чинювали декамвріа 25 дня. А любосмо рожествомъ Христовымъ и святымъ крещеніемъ просвѣщены и болваны погинули, еднакъ нѣкоторіи шаленіи памятку бѣсу Колядѣ и теперъ чинятъ. Почавшы отъ самаго рожества Христова, презъ всѣ свята сходячися, пѣсни спѣваютъ, въ которыхъ и о рожествѣ Христовомъ споминаютъ, але болшей Коляду бѣса выхваляютъ. Тамъ тежъ на соборищахъ своихъ туры и иныѣ брыд- кіи речи вымышляютъ; того ся такъ же не годитъ и писмомъ выдати. Не досить тежъ было шаленымъ людемъ тыхъ боговъ, але еще ихъ мѣли много, которымъ имена суть: Тый, Хорсъ, Дожбъ, Мокша, Стрирогъ, Се- марглъ.
А окрестившы святый Владимеръ землю рускую, всѣ болваны з великимъ безчестіемъ покрушилъ, палилъ и въ воду въкидалъ. Найпервѣй Перуна, яко старшого, казалъ, увязавши до хвоста конского, волочитъ з горы до Днѣпра, а приставылъ мужей 12, абы его волокучи были кіями. То чинилъ, не ижъ бы дерево тое чути мѣло, але бы болшей безчестя бѣсу учинилъ и з него ся насмѣялъ, которій людій ошуковалъ и изводилъ. А приволокшы до берега, ажъ минетъ пороги; и тамъ нижей пороговъ приплинулъ до едной горы высокой, которую Перуномъ и теперъ зовутъ. А на томъ мѣстцу въ Кіевѣ, где былъ болванъ Перунъ, казалъ Владимеръ поставитъ церковь, въ имя святаго Василія великаго. И иншыхъ всѣхъ болвановъ казалъ кидати, едныхъ въ огонь, а другыхъ у воду, и божници ихъ до грунту вывертати, и не пересталъ, ажъ всѣхъ болвановъ выкоре- нилъ. А выкоренывши святый Владимеръ болвохвалство, вѣру святую розшыряючи, на тыхъ мѣстцахъ церквы святыя казалъ будовати, где божницы были. Тамъ казалъ, благочестіе умножаючи, мѣста около Кіева, надъ рѣками Десною, Остремъ, Трубешемъ, Сулою фундовать. На той часъ мѣсто надъ рѣкою Стугною осадилъ и назвалъ его своѣмъ именемъ крещеннымъ Василіевъ, которое-то и по се число Василковомъ зовутъ.
Знову выслалъ святый Владимеръ до Царигорода, до святѣйшаго патріархи Сергія, просячи, абы ему прислалъ еще болшей епископовъ. Въ тотъ часъ прислалъ ему святѣйшій патріарха Сергій еиископовъ три: Іоакима, Феодора, Ѳому, з которыми ишолъ святый Владимеръ въ повѣтъ суждалскій и ростовскій и заложили тамъ мѣсто надъ рѣкою Клязмою, и назвалъ его першымъ своимъ именемъ: Владимеръ, и поставилъ тамъ церковъ въ имя Пресвятой Богородицы, и зоставилъ тамъ епископа Феодора. И пошолъ оттоль въ Ростовъ, и тамъ покрушившы болваны, и на тѣхъ мѣстцахъ поставившы церквы, далъ имъ епископа Ѳому. А потомъ ишолъ до великого Новгорода, и пришедши, и тамъ болваны и Перуна старшого бога, увязавшы, казалъ волочитъ до рѣки и волокучи быти кіями. Бѣсъ же, которій въ томъ болванѣ мешкалъ, не моглъ терпѣти оного насмѣвиска, почалъ жалосне великимъ голосомъ кричати: бѣда, бѣда мнѣ, ижемъ впалъ въ руки немилостивыхъ людей, которіи мя недавно якъ бога чтили, а теперъ такую мнѣ зелживость незносную чинятъ; що бымъ далей чинити мѣлъ, не знаю. Приволокши же на мость, въки- нули въ рѣку. Вернувшися же до Кіева, святый Владимеръ роздѣлилъ панство свое - рускую землю на 12 княженій и посадилъ на ныхъ 12 сыновъ своихъ, которыхъ мѣлъ зъ розныхъ женъ. Найпервѣи по садылъ старшого сына своего Вышеслава въ великомъ Новгородѣ, Изяслава въ Полоцку, Святополка въ Туровѣ, Ярослава по смерти Бориса въ Ростовѣ, Глѣба въ Муровѣ, Святослава въ Тмутороканѣ, Станислава въ Смоленску, Брячислава въ Луцку, Судислава въ Псковѣ, съ которыми послалъ священниковъ осми, приказуючи синомъ своимъ, абы кождый з ныхъ по своихъ панствахъ казалъ вѣры христіянской учити и крестити людей в Отца и Сына и Святаго Духа, а болваны и божницы крушити и з грунту выворочати велѣлъ, а на тыхъ мѣстцахъ церкви святыи ставити. Которое приказанье его з пилностю всѣ сыны его заховали. А кеды уже святый Владимеръ помочю всемогущаго Бога всѣ болваны и божници во всей Русіи выкоренилъ, а церквей святыхъ много набудовалъ, и вѣру святую утвердилѣ, такъ тежъ и шпыталей немало для убозства и улом- ныхъ нафундовалъ и гойными датвами и фундаціями ихъ ударовалъ.
По великихъ цнотахъ своихъ въ покою Господу Богу духа своего отдалъ около року 1016, мовячи съ псалмистомъ: въ руцѣ твои, Боже мой, предаю духъ мой. И такъ по земномъ царствѣ на небесное отойшолъ царствовати. Много бы всѣхъ лѣтъ отъ рожденія своего святый Владимеръ жилъ, лѣтописецъ неизмѣнкуетъ; тылко отъ княженія лѣтъ тридъцять, въ болвохвалствѣ княжѣлъ вусѣмъ лѣтъ, а окрестившыся 27 лѣтъ жилъ. Тѣло его святое положено въ Кіевѣ, въ церквѣ Пресвятой Владычици нашея Богородицы и Приснодѣвы Маріи, въ Десятинъной, въ гробѣ мар- муровомъ, з великою честію и жалемъ всѣхъ, яко отца и ходотая спасенія, на честь въ святой Троици единому Богу Отцу и Сыну и Святому Духу, Которому належитъ всякая слава и поклонъ нынѣ и завжды и въ вѣки вѣкомъ. Аминь.