Житіє 2 ПЕЧЕРСЬКЕ ЖИТІЄ СВЯТОГО ВОЛОДИМИРА™

Мѣсяца іюля во 15 день житіе и успение святого великого князя Володымера, нареченнаго во святом крещеніи Василія, который окрестил всю землю Рускую

Сей святый и великий князь Володимер сын был Святославов з рожаю варяжского, также князя киевского.

Облога Родня.

Ілюстрація до Радзивілівського літопису. XV ст.

“Кияне посы­лают до Воло- дымера, хотячи тебе ему вы­дати”, и радил ему утѣкати с Киева, поневаж немаш тут при­язни собѣ. Яро- полк, не вѣ- даючи зрады его, послухал и

утѣкл с Киева и заперся в мѣстѣ Ровнѣ на Острѣ, а Володымер вшол до Киева. И послал Володымер до Ровна и облѣг брата своего Ярополка. Рекл теды Блуд воевода до Ярополка: “Видиш, як много войска у Володымера, брата твоего, и не можем им от­пору дати. Я тобѣ ражу: чини мир з братом твоим и поклонися ему”. Варяжко зась, старший сенатор Ярополков, не позволял, але радил, абы уходил до печенѣгов и, там зобравши войско болшое, ишол на Володымера. Ярополк зась барзѣ слухал Блуда, аниж Варяжка и позволив поклонитися брату. А Блуд потай ознаймил о всем Володымеру, и ожидал Володымер Яро- полка в теремнѣ, в фолварку отцевском. А гды пришол Ярополк, хотячи поклонитися Володымеру, брату своему, зненацка два варяги з мечами на дверех взяли под пазуху Ярополка и на том мѣстцу убили его. А Варяжко утѣк до печенѣг и много напотом Володымеру шкоды чинил, которого потом ледва Володымер перевабил до себе. И сѣл Володымер на великом княженьи ки­евском и был самодержцем всеи Руси. Взял теды и жону брата своего Ярополка грекиню, которая была черницею.

И от того часу Володымер ставил болваны всюды в панствѣ своем; найпервей поставил болвана Перуна найстаршого в Киевѣ на горѣ, на том мѣстцу, где тепер Церков святого Васи­лия. Потом и по иных мѣсцах других болванов (которым имена нижей суть описаны) ставил и офѣру им всѣ люде за росказаням его, называючи их богами, чинили, и приводили им дѣти свои Арк. 526 на офѣру и забивали. До Новгорода // зась великого Добриню, вуя своего, на свое мѣсце послал. Добринь теж воевода, при- шедши до Великого Новгорода, почал также ставити болваны и богами их называти казал; як видѣл, що Володымер у Киевѣ чинил, так и он там такими теж их и іменами называл, и кланя­тися им людей и офѣры чинити примушал.

Маючи прето Володымер покой от всѣх сторон, неповстягли- востю невѣст опанованый был. Имѣл шесть жен: первая Ярогнѣдь, с которою мѣл сынов - Изяслава, Мстислава, Ярос­лава и Всеволода, и двѣ дочки. Вторая грекиня, жена брата Яро­полка, с которою мѣл Святополка. Третяя чехини, с которою мѣл Вышеслава. Четвертая чехини также, с которою мѣл Свя­тослава и Мстислава. Пятая болгариня, с которою мѣл Бориса и Глѣба. Шестая грекиня, для которой крестился, с которою мѣл цорку Марію, которая потом отдана была за первого Казимера, короля полского; тая родила Болеслава Смѣлого, который убил Станислава, бискупа краковского. Мѣл теж и подложниц триста у Вышгородѣ, а двѣстѣ - в селцѣ на Берестовом. Еднак же не досыть ему тых было, але еще и от мужов жоны и панны, кото- рыи ся ему подобали, приводити казал, албовѣм был велми несыт блудом, як и Соломон. А тое чинил Володымер, гды в темности балвохвалства был, а потом, гды был небесным свѣтом просвѣщен и познал правду, а христіанином зостал, уже от го часу таких спросностей и сам не чинил, и другим того за- казовал и боронил.

Ишол Володимер з войском до ляхов и мѣсто их Премышль, Червено и иных много мѣст побрал. Того ж року и вятичи звое- вовал и вложил на них дань от плуга по шелягу. Року зась 984 ишол Володимер на ятвяги и звоевал всю землю их и, при- Арк. 526зв. шедши до Киева, чинил офѣры болваном. В той час // нѣяко варяга христианина з сыном его Іоанном убил, як о том в житіи их обширнѣ. Потом Володимер з Добринею, вуем своим, ишол на болгары и, там их звѣтяживши, покой з ними учинил и при­сягу межи собою постановили, мовячи: “Иж на той час межи нами война будет, гды камѣнь плавати будеть, а хмѣль гряз­нути”. Был бовѣм и князь болгарский барзо валечный и хрис- тіанин добрый.

А гды господ бог всхотѣл выбра ѣ людей новых, водхнул ласку святого ву Володымера, который, як от сна, от темности балвох- валства очкнулся, до познаня правдивого бога пришол, свѣтом правды просвѣщен и святым крещеніем во усыновленіе богу сам себе привел и всю Российскую землю нашу просвѣтил.

Тут вкоротцѣ о крещеніях нашой Роскои землѣ, як много раз и коли крестилася, почавши с початку аж до великого Володы- мера, который досконале всю землю Росскую окрестил и бол­ваны выкоренил, здает ми ся слушная реч спомнѣти, ведлуг лѣтописцев многих, а особливе Нестора святого печерского. Первое крестилася Русь и народ словенский от святого славного первозванного апостола Андрея, бо той святый апостол, будучи в Херсонѣ, пустился в гору Днѣпром, аж до Великого Новго­рода, а пришедши на горы кіевскии, благословив их и крест на них, где тепер брама кіевская стоит, от полудня поставил, про­рокуючи им, иж на той горѣ а при ней и иных мѣло знаменитое и хвалою божею наполненное мѣсто христіанское быти; и людей много, которые там жили, вѣры Христовой на той час на­учивши, окрестил. А сам потом святый апостол ишол Днѣпром аж до Великого Новгорода, и там многих научив вѣры Христо­вой и окрестил. Придает лѣтописца святый Нестер, же и святый апостол Павел был учитель словяном, поневаж был учачи и проповѣдуючи евангеліе Христово в Миссии и в Иллиріку, яко Арк. 527 в дияніях пишет, // Миссия зась и Іллирика - Словенская земля.

Потом теж святый апостол Павел послал словянам ученика своего Андроника, едного из седмидесят апостол, который учил и крестил в Іллиріку и в Миссии, то есть в Болгарех, в Боснѣ, в Моравѣ, где потом в Па[нно]нии епископом был. Але для час­тых воин и княжат поганских не могло ся святое крещеніе и вѣра Христова розширити. Повторе крестился руский народ за Михаила, цесара грецкого. Княжата словенскии, Святополк, Ростосав и Коцел, посылали до цесара Михаила, просячи его о епископа, абы его, научивши вѣры Христовы, и крещеніе святое дал, и о человѣка учоного, абы их научил и претолковал им свя- тыи книги. А гды цар с патріархом мѣл о том стараня пилное, казал шукати человѣка такого, абы могл их языком протолко­вати им писмо святое и книги.

Почали приходити до Володимера з розных панств и народов, хвалячи ему свою вѣру кождый з них. Найпервей пришли вѣры Махометовы, Володимер теж спытал их, якая их вѣра есть.

А так увѣдавши Володимер святую вѣру грецкую, як свѣчу на свѣтилнику, рекл: “Так учиню: пойду в землю их и озму мѣста их и найду там учителей их”. И як умыслил, так и учинил. И зобравши войско, ишол до Таврыкіи, що тепер Перекопом зовут. Тую опановавши и взявши мѣсто Херсон, послал до царей, зы- чачи собѣ сестры их Анны за малжонку. А они отповѣдили Во- лодимеру: “Немаш у христіан звычаю такого, абы за некрещен- ных отдавали; але ес[л]и окреслишся, то не тилко то, але и бол- шого, то есть царство небесное одержиш”. А Володимер отповѣдил, иж “я уподобал давно вѣру вашу, гдым еще послов посылал; пришлѣте теды епископа, а я ся окрещу”. Вдячную новину услышавши, цареве намовляли сестру свою, абы ишла за Володимера, которая любо велми не хотѣла, еднак, уважаючи спасеніе так великого народу и покой отчизны своей, призво­лила. Ихала теды царевна з великим мнозством княжат грецких до Херсоня, до которого приихавши, гды была проважена на палац замку херсонского, знагла Володимер ослѣп, и почаыл уже вонтпить о крещеніи, розумѣючи, иж то богове его поган- скии скарали. Але царевна послала до него, мовячи: “Если хочеш здоров быти и видѣти, крестися, а иначей не будеш видѣти. А если окрестишся, то не тилко телесной, але и душев­ной слѣпоты позбудеш, а що болшого - царство небесное одер­жиш”. А он рекл: “Если то правда будет, теды заправды велик есть бог христіанский”, и казал ся крестити. А гды епископ его крестил, сталося чудо; албовѣм скоро вступил во святую ку­пель, очи ся ему отворили, и як луска з очей его спала. Видѣл ясно и жадного болю не мѣл, якобы нѣгды на них не хорѣл. И славил бога, мовячи: “Тепер позналем правдивого бога”. И дано ему имя на святом крещении Василий. А так просвѣщен будучи, душею и тѣлом радовался. А тое видячи бояре его, многии з них крестилися.

Арк. 529зв.Учинивши веселіе ведлуг звычаю и взявши // благословение и митрополита Михаила от Сергия святейшаго патриярхи цари- городского, ихал до Киева. А гды приихал, люд посполитый з великою радостю его витал. Привѣз теж з собою и мощей свя­тых немало, святого священномученика Климента и ученика его Агафаила, образи, книги, аппараты и иныя начинья и по­требы церковныя; священников, діаконов, законников, діаконов и розмаитых ремесников з Греции до Киева з собою припрова- дил. Потом назначил день и казал по всем мѣстѣ Киевѣ кликати, мовячи: “Если хто не будет завтра на рѣцѣ Почай, так богатый, як убогий, старый и молодый, неволный и волный, той будет мнѣ противный”. Тое люди слышачи, мовили: “Если бых то реч не была потребная, цар бы ся наш и бояре не крестили”. А так назавтрие Володимер зо всѣм грецким духовенством на рѣку Почайню выйшол, где уже люду зобралося было без личбы, вшелякого возрасту, малых и великих. И казал всѣм войти у воду, болшим глубий, малым зась около берега, и казал их Во- лодимер священником крестити. А священници кождому з них даючи з особна ймена и молитвы над ними звычайныи до кре­щения святого отправовали, и так всѣх окрестили, мужей и невѣст во імя отца и сына и святого духа. В той час теды сам митрополит Михаил всѣх дванадцати сынов Володимеровых, которых з розных жен мѣл, особно в кринице окрестил, и от того тую гору и криницу над Днѣпром, где ся они крестили, и по сей день Хрещатиком кіяне зовут. Дал теж всѣх сынов своих и при них много боярских дѣтей писма ся грецкого и словен­ского учити. И был святый Володымер первый ходатай нашего спасенія и всей России.

А по крещении всѣх людей молился господу богу, мовячи: “Боже, сотворивый небо и землю, призри на новокрещенных людий сих, дай им, господи, познати тебе, бога правдивого, и утверди их во православной вѣрѣ и мнѣ помози, абым, маючи надѣю неомилную на твою моц, звитяжил всѣх так видимых, Арк. 530 як и невидимых неприателей”. Послал теж по всѣх // мѣстах и селах крестити всѣх, которіе колвек были в панствѣ его; а если бы ся хто крестити не захотѣл, каранье яко на непослушных по­становил. Приказал зась божницѣ и болваны крушити, ламати, из грунту вывертати, а на тых мѣсцах церкви святыи ставити. А найпервей сам поставил церков в Киевѣ во імя пресвятой бо- городици, праве царским коштом, на которую и десятины зо всего панства своего казал давати, которую и тепер зовут Деся­тинною.

Тут спомним о богах албо рачей балванах, которих оны мѣли за бога, не иж бы годни были испоминаня, але абысмо знали, якою слѣпотою балвохвалства на той час діявол послѣпил был людей и в якое шаленство привѣл, же не тилко не знали прав­дивого бога, але еще бездушным речам, от людей учиненым, належачую честь бозкую отдавали. Первый теды в них бог был Перун, учиненый на образ человѣка з дерева, голова ему была срѣбная, а усы золотыи, в которого камѣнь был в руках, як огонь. Тому як богу офѣры приносили, и огонь неугасаючий перед ним завше горѣл, и если бы ся трафило за недозорством попа их служачого, огню згаснути, такого без вшелякои вы- мовки и милости, яко непріятеля бога своего, убивали. Вторый бог Волос быдлячий. Третий Позвизд, ляхи его звали Похвист, а нѣкоторіи и Вихром его называли; того вызнавали быти бога воздуха, погоды и негоды. Четвертый Ладо; того вѣрили быти богом веселя, утѣхи и вшелякого доброго повоженя. Тому офѣры приносили, которіи женитися мѣли, абы за его помочю веселье доброе и житіе любовное мѣли. Того Лада по нѣкоторих сторонах и до сего часу на веселях, руками плещучи, албо о стол бьючи, “Ладо, Ладо” спѣваючи, в пѣснях своих часто его споминают. Пятый Купало, которого урожаю быти бога розумѣли. Тому теж шаленыи и зведеныи подякованя и офѣры Арк. 530зв. прино // сили на початку жнив; которому то Купалѣ бѣсу по нѣкоторих сторонах и тепер памятку отправуют, а особливе в навечеріе рожества святого Іоанна Предтечи таким способом: в вечер зобравшися так млоденци, як и панны, плетут собѣ вѣнки з зѣля и опоясуются, кладут зась огонь и берутся за руки и около огня оного скачут, спѣваючи пѣсни, в которых часто спѣвают Купала, а потом през огонь оный перескакуют, бѣсу оному Купалѣ офѣру себе самих приносят; и много иных вы- мислов бѣсовских брыдких на той час чинят, що неслупшая і писмом подати. А нѣкоторіх з них криницам, озерам за обфи- тость урожаю приносили, а часом на офѣру й людей топили, що и теперь шаленіи по нѣкоторых сторонах памятку чинят: под час знаменитого праздника воскресенія Христова зобравшися, молодыи й обоего полу, взявши чоловѣка, вкидают в воду, и трафляется за спораженем тых богов, то есть бѣсов, иж вкине- ніи в воду албо о дерево, албо о камѣнь в водѣ розбиваются и умирают, албо утопают; в инших зась сторонах не вкидают в воду, тылко поливают водою, що еднак томуж бѣсу офѣру при­носят. Шестый Коляда, которому празник великий чинювали декабра 24-го дня, алюбо нас ласка рожеством Христовым освѣтила, й болваны погінули, але еднак нѣкоторіи шаленіи па­мятку бѣсу Колядѣ почавши от самого рожества Христова, през всѣ свята сходячіся и пѣсны, в которых и о рожествѣ Христовом споминают, еднак же болше Коляду бѣса выхваляют; там теж на схадзках своих Тура и иныи брыдкии речи вымишляют чого ся также не годит и писмом выразити. Не досить теж было ша- леным людем тых богов, але мѣли еще их много, которым Арк. 531 имена суть тыи: Хорс, Дажбог, Мокша, Стрыбог, // Семаргл.

А окрестивши Володимер землю Рускую, всѣ болваны з вели­ким безчестіем крушил. Найпервѣй Перуна, як старшого, казал, увязавши до хвоста конского, волочи з горы до Днѣпра и при­ставил мужій 12, абы его волукучого били киями; то чинил, не иж бы дерево тое чути мѣло, але абы болшое безчестіе бѣсу учинил и из него ся насмѣял, которій людий ошукивал и зводил. А кгди так чинили, невѣрныи нѣкоторіи кіяне плакали, а оны, приволокши его до берега, вкинули его в Днѣпр. Росказал теж Володимер, абы оного Перуна нѣгде до берега не пріпускано, аж минет пороги, и там нижей порогов выкинул его вѣтер до едной гори высокой, которую Перенум и тепер зовут. А на том мѣсцу, где был балван Перун, казал Володимер поставити цер­ков наймя святого Васілия великого. И всѣх инших балванов казал вкидати едных в огонь, а другіх в воду, и божницю до кгрунту роскидати. И не перестал аж до конца всѣх балванов выгубил, а на тых мѣсцах церкви казал будовати. Тое видячи, безрозумныи и невѣрніи плакали погибели богов своих, а ро- зумніи мовили: “Мудрый наш есть князь, также и бояре; если бы знали, же боги то суть правдивіи й не зводци, теды быине губили, оной вѣри не приймовали и сами ся не крестили”. Потом зась Володимер благочестіе умножал и мѣста около Киева фундовал над рѣками Десною, Острем, Трубешом, Сулою; фундовал теж мѣсто и над Стугною и назвал его во свое ймя крещеное Василев, которое теперь Василковом зовут.

Послал теж Володимер до жони своей Розгнѣд, мовячи: “Я прето, яком прінял вѣру христіянскую, уже теж по християнску й жити повинен и едину жону мѣти, которую тепер понялем в Арк. 531зв. христіянствѣ; ты зась // выбер собѣ з велмож моих, которого хочеш, и я тебе за него видам”. А она отповѣдивши рекла ему: “Азали тобѣ тылко единому потреба царства небесного, а мнѣ его не потреба? А до того, бывши так великою княгинею, як могу стерпѣті у слуги твоего служебницею быти? Але прошу тебе, выдай мене за Христа, облюбенца небесного, то есть, абым ся окрестивши и ангельский чин взявши, тут богу прав­дивому служила и его невѣстою была”, що ся Володимеру вельми подобало, и дивовался так мудрои отповѣди еи. Сын зась еи, Ярослав, хромім будучи от рожденія своего, которій при ней сидѣл, кгди услышал тыи слова от матки своей, дяковал гос­поду богу о розумѣ и добром предсявзятію еи, и натыхмѣст зос- тал здоровым и ходил, а Розгнѣд окрестившися зостала іноки- нею, и дано ей имя Анастасія во инокинях.

Святый Володимер знову выслал до Царигорода, до святѣйшаго патріархи Сергія, абы ему прислал еще болше епископов, и при­слал ему епископы: Иоакима корсунянина, Феодора, Фому и иных. И шол потом Володимер в сторону Залѣскую, в повѣт Суждалский и Ростовский и заложил там мѣсто над рѣкою Клязмою и назвал его першим своим именем Володимер, и по­ставил там церков во ймя пресвятой богородици, и дал им епис­копа Феодора. А оттоль ишол в Ростов и там, покрушивши бал- ваны и на тых мѣсцах поставивши церкви, дал им епископа Фому. А потом пришол до Великого Новгорода и там, балваны Перуна увязавши, казал волочи до рѣки и волокучого бити кіями; бѣс зась, которій в оном балванѣ мешкал, не мог терпѣти оного насмѣвиска, почал жалосно великим голосом кричати: “Бѣда, бѣда мнѣ, ижем впал в руки так немилостивых людій, Арк. 532 которіи недавно мене як // бога чтили, а тепер такую мнѣ бѣду незносную чинят. Шо бым далей чинити мѣл, не знаю”. А при­волокши его на мост, вкинули в рѣку з мосту, где зараз потонул, а потом в малом часѣ з води ся явил. Един человѣк кинул на него палицею, а он, взявши туюж палицу, кинул на мост и забил килка человѣков.

А вернувшися до Кіева, святый Володимер роздѣлив панство свое, Рускую землю, на дванадцать княженій и посажал на них 12 сынов своих, которых мѣл з розных жен; найпервѣй старшого сына своего Вышеслава посадил в Великом Новгородѣ, Изяслава в Полоцку, Святополка в Туровѣ, Ярослава в Ростовѣ, а по смерти Вышеслава - в Новгородѣ, Бориса в Ростовѣ, Глѣба в Муровѣ, Святослава в Деревѣх, Всеволода в Володимерѣ, Мстислава в Тмутороканѣ, Станислава в Смоленскѣ, Брячислава в Луцку, Су- дислава в Псковѣ. Послал зась з ними и священников, росказуючи сынам своим, абы кождый з них по своих панствах казал вѣры христіянской учити и крестити людій во имя отца и сына и святого духа, а балваны и божници крушить з кгрунту, а на тых мѣсцах церкви божіи ставити, що за помочью божею так ся и стало.

Жена Володимерова Анна, царевна кгрецкая, для которой ся святый Володимер крестил, маючи цноти, побожный живот свой дочасный скончила и на оный вѣк ся перенесла. На той час и Арзѣра, княгиня венецкая, а дочка Василія, цесара грецкого, брата рожоного Анны, жоны Володимеровой, вмерла, которая великих роскошей а праве над всѣ люде вымислных заживала; тая николи лица своего не мыла водою, але албо росою, або до- Арк. 532зв. рогіми // водками. Покарм теж ей был велми вымыслный и рос­кошный, за што господь бог еи еще тут за живота скарал, иж за- хоравши, так смердѣла, же нѣхто до неи не могл для великого смроду и приступити.

А выкоренивши святый Володимер болваны и церквей божіих набудовавши и вѣру Христову во всей России ущепивши, так теж и шпиталей велми много для убозства и уломных нафундо- вавши и гойным достатком ударовавши, по великих цнотах своих преживши в княженіи своем всѣх лѣт 35, в поганствѣ 8, а окрестившися двадцять сѣм, в покою господу богу духа своего отдал, мѣсяца июля 15 дня по земном царствѣи на небесное пе- рейшол. Похован в Киевѣ в церквѣ пресвятой богородици Де­сятинной, от него самого збудованной, во гробѣ мармуровом, з великою честію и жалем всѣх, яко отца и заступника своего, на честь во тройци единому богу, которому належит вшелякая слава, честь и поклон нынѣ й завжды и на вѣки вѣком. Аминь.