РУКОПИСАННЯ КНЯЗЯ ВОЛОДИМИРА ВАСИЛЬКОВИЧА близько 1287 р.
(Витяг)
Во имя отца и сына и святого духа. Молитвами святыа богородица и приснодсвица Марья и святых аггел. Ce яз князь Bo- лодимерь, сын Василков, внук Романов даю землю свою всю и городы, по своемь животе, брату своему Мьстиславу, и столныи свои город Володимир; другую же грамоту напсах брату своему такую же; хочю и еще и княгине своей псати грамоту такую же.
В имя отца и сына и святого духа, молитвами святыа богородица и приснодевица Марья, святых аггел. Ce яз князь Володимер, сын Василков, внук Романов, пишу грамоту: дал есмь княгине своей, по своемь животе, город свои Кобрынь, и с людми, и з данью, како при мне даяли, тако и по мне ать даютъ княгине моей. Иже дал есмь ей село свое Городел, и с мытом, а людье како то на мя страдало, тако и на княгиню мою по моемъ животе; аже будетъ князю город рубити, ини к городу, а побором и тотарыциною ко князю. А Садовое ей Сомино же дал есмь княгине свое(и) и манастырь свои Апостолы, иже създах своею силою. А село есмь купил Березовиче у (Ю)рьевича у Давыдовича Фодорка, а дал есмь на немь 50 гривен кун, а 5 локот скорлата, да броне дощатые: а тое (село) дал есмь ко Апостолом же. А княгини моа, по моемь животе оже восхочеть в черниче поити, пойдетъ; аже не восхочеть ити, а како ей любо, мне не воставши смотритъ, что кто иметь чинити по моемь животе.