Житіє 5 СОФІЙСЬКЕ ЖИТІЄ СВЯТОГО ВОЛОДИМИРА[608]
Іюля в 15. Того же дня успение святого ровного апостолам князя Володимера Киевского, нареченного на святом крещению Василия[609]
Поневаж чотыри повѣсти о крещеню[610] Руси в кройниках а лѣтописцах есть ознаймено и описано, розумѣю быти[611] не меншую потребу о том, як се много раз Русь крестила, свѣту выразити.
Ведлуг кройникаров наших словенских первястки крещения своего от Андрея святого апостола руский народ выводит. Бо той святый апостол, будучи в Херсонѣ для проповѣди еван- Арк. 308 гелскои // Христовои, пустил ся был Днепром в гору аж до Но- вагороду Великого, гдѣ нѣшто людей окрестивши, морем Ин- флянтским до Риму прижекглевал. О нем теж свѣдчат[612], же коли Днепром до Новагороду дорогу отправовал, приехавши над гори Киевские, оныи[613] благословил и крест святый на горѣ (подле ко- торои тепер брама мѣстска[614] стоит от полудня) поставил, пророкуючи, иж на той горѣ и иных при ней мѣло знаминитое[615] ихвалою божею наполненое мѣсто станути. Придает старий лѣтописца словенский, святый Нестор, же и Павел святый апостол, словенским[616] проповѣдаючи народом многим, Руси до крещения святого дорогу указовал. А по нем Андроник святый, але тое крещение святое не могло ся росширити для княжат поган- ских, на той час пануючих в Руси. Повторе крестил ся руский народ за Михаїла, цесара грецкого, около року П[617]. 863, где Фотий ознаймует о Руси, же ся окрестила, а тое крещение таким се отправовало способом, яко свѣдчит стародавный[618] наш лѣтисца словенский Нестор и иншие[619] гисторикове: княжата словенские Святополк, Ростислав и Косел посылали до цесара помененого Михаїла, просячи крещения святого.
Цесар шперал, кого бы мѣл выслати[620]; а довѣдавшися у одного человѣка в Се- луню, именем Лва, же мѣл двух[621] сынов учоных, з которих[622] Арк. 308зв. одному имя было Мефодий, а другому Кирилл, // оным до себе казал приехати и послал их на проповѣдание евангелия[623] святого и крещение народов словенских; которие, щире в той працы[624] поступуючи, книг немало з кгрецкого на словенский язык преложили. А в той час на столицы патриарховства[625] ца- рягородского седѣл Фотий святый. По трете крестилася Русь от греков за цесара грецкого[626] Василия Македона, которий для крещения ее послал был епископа, которого имени кройники не кладут. А той епископ, коли до Руси приехал, потребовала по нем Русь чудов; всякож он евангелие вкинул в огонь, которое же намнѣй огнем не было нарушоно[627]. Много се теды Руси крестило. На той час был той же Фотий по смерти Игнатия па- триархою[628] царягородским[629]. В четвертом разу крестила ся Русь от греков за Олги, жоны Игора, княжати руского, бабки Воло- димеровои[630]; бо тая ездила до Царягороду[631] за осмого Костан- тина, цесара царягородского[632], а за патриархи Полиекта, и там еи Полиект патриарха[633] царегородский[634] окрестил и благосло- веною межи невѣстами рускими назвал.616
617
618
619
620
621
622
623
624
625
626
627
628
629
На остаток крестилася Русь от греков за Володимера Святославовича уже зуполне и досконале ведлуг наших диптихов року ≠Λ, а то таким способом: Володимер был сын Святославов, внук Игора, княжати руского, и Олги, княжны, правнук Руриков, зос- тал паном всей Руси по смерти братьи своей, которий[635]
Арк.
309 имя было Олег // і Ярополк. Мѣл столицу свою первей в Новѣгородѣ, потом в Киевѣ. Так великую широкость мѣл своего панства, же не толко всею Русью всходнею, полуденною и полночною владнул, але землею Болгарскою, Сербъскою, Корвац- кою[636], Седмикгродскою, Выятицкою, Вятвезскою[637], Дулѣпъ- скою; и тыи краины, где тепер волоши[638], мултяны[639] и татаре бобруйские, одною выправою до послушенства своего привел[640] и дань на них взложил. Λ будучи Володимер так великим мо- нархою Руси всеи, мѣл от Кирила святого (о котором се выше помянило[641]) инструкцыю до вѣри[642] християнскои. Бо коли до Володимера розмаитые[643] нацыи присылали, абы их вѣру принял, яко то жидове, махометани, волохи, кгрекове, он всих вѣри собѣ не подобал, толко грецкая вѣра ему в мысль впала за оз- добным выводом Кирила, философа грецкого, которий[644] ему обширные артыкули[645] вери святои проповѣдал; на остаток ука- зал запону, на которой вытафтованый[646] был суд божий, а при- везл еи от цесаров грецких и патриархи за упоминок Володи- мерови. На тую запону Володимер гледячи, пытал философа, котории[647] бы то были по правицы судіи, а которие по левицы[648]; философ повѣдал, же которие по правицы суть[649] выражени, суть християне з добрими учинками[650], а по левицы будут вси, которие ся не окрестили. Володимер до серца то своего взявши[651], Арк. 309зв. взодхнул и рекл: “Благословени тыи, // которие на правицы станут, а бѣда тым, которие по левицы”[652]. Философ зась рекл: “И ты будеш на правицы[653], коли ся окрестиш”. И того для[654] бол- шои вѣдомости вѣр розных выслал послов своих Володимер до розных краин свѣта, которие бы се приглядали[655] вѣри и церемонѣям[656]. Тые, звѣдавши много земль[657], жаднои собѣ вѣри и церемонѣи не подобали, одно грецкую, которая им так се[658] велми подобала, а надто в литоргѣи[659], при которой были; повѣдали, же учули так великую солодкость, иж яко бы в захви- ценье порвани болшей при небесной, анижели земной учте розумѣли ся быти. Дѣялося то за Костантина и Василия цесаров кгрецких и Сергия, патриархи царягородского[660].630
631
632
633
634
635
636
637
638
639
640
641
642
643
644
645
Однак не будучи досконале еще укгрунтованый[661] в вѣре хрис- тиянской, Володимер для розширенья панства своего, зобравши новогорожан и киян[662], пустился до Таврики, которую тепер Перекопом зовут. Тую опановавши и взявши в ней мѣсто Херсонь, послов своих до цесаров грецких, двох братий, Василия[663] и Костантина, сынов Иоанна Земиски цесара грецкого, зычачи собѣ сестри[664] их Анны[665] за малжонку, послал. Они отповѣдили Володимерови: “Если зостанеш[666] християнином, дамо тобѣ сестру нашу за малжонку”. А Володимер такий дал респонс[667]: “Жем я собѣ уподобал вѣру вашу еще здавна, гдым послов моих высылал на вывѣдованье онои до вас. Пришлите[668] теды епис- Арк. 310 копа, а я[669] се // окрещу”. Вдячную новину услышавши, цеса- рове почали намовяти[670] сестру, абы за Володимера шла[671], которая любо дивне не хотѣла.
Уважаючи однак спасение так великого народу росийского и покой отчизны своеи, призволила. Потом ехала з великим оршаком княжат грецких до Херсоня[672], до которого приехавши, коли была припроважона на палац замку Корсунского, або[673] Херсонского, Володимер знагла ослѣп и почал был уже вонтпити[674] о крещенью[675], розумѣючи, иж его богове поганские скарали. Але цесаровна послала до него, мовечи: “Окрестися одно а збудеш слѣпоты”, як се и стало; бо херсонский епископ коли на него руку положил[676], благословячи ему, абы принял духа святого, зараз як бы луска з очью его спала, и прозрѣл ясно и дал хвалу богу[677], мовечи: “Тепер есми познал правдивого бога”. Окрестив- шись[678] теды, Володимер взял имя на крещению[679] Василей.По веселию[680] ехал з цесаровною до Киева, взявши от патриархи
царягородского Сергия[681] митрополита першого Михаїла. А приехавши до Киева з великою радостью люду посполитого, при- везл теж з собою мощи, то есть[682] кости святого Климента и Фива[683], ученика его, образы, книги и иншое начинье и опа- раты[684] церковныи[685]; священников, дияконов, дияков и чернцов и розмаитых ремесников для будованья церквей, гойным юрк- Арк. 310зв. гелтом нанятых, з Кгрецѣи з собою до Киева привезл. // Воло- димер, приехавши до Киева, казал обаляти, ламати, и з грунту вывертати[686] болваны те: Хорса[687], Стриба и Мокоша, а Волоса болвана[688] (которий был мянован[689] быдлячий и лесный бог) казал в выход посполитый вкинути[690] и в нечистостях утопити. Перуна теж, преднѣйшого бога, казал до конского хвоста увязати и во- локти[691] по Буричовом потоку в Днепр[692], и 12 мужей приставил, абы его киями[693] били.
А то чинил[694] не як бы дерево тое чути могло, але абы ся насмѣял бѣсови, которий прелщал люди. А коли то так чинили[695], невѣрные[696] кияне всюды[697] в голос плакали. А оные, приволокши его до берега, и[698] вкинули в Днепр[699]. Росказал теж Володимер, абы оного Перуна нигде до берега не припущали, аж минет пороги, и там нижей порогов выкинул его вѣтр до одной гори великои, которая Перун-гора и тепер зовется. Потом по слал Володимер по всем мѣсте Киеве кличучи[700]:“Если хто завтре[701] не найдется на рецѣ Почайни[702], так богатый, яко и убогий, неволник и волний, старий, и молодый, той будет мнѣ противным”. То люди чуючи мовили: “Если бы то реч была непотребна, цар бы наш и бояре его не хрестилися”. На за- втрееж зышол Володимер зо всим грецким духовенством над реку Почайню, где уже было и стояло люду, которому не было личбы[703]. Теды, убравшися священникове и дияконове в ризы Арк. 311 свои, стояли // на лавках, на то уготованных на рецѣ Почайни, а люди громадами лѣзли в реку, одны по поес, другие[704] по шию, а священики, даючи каждой громадѣ з особна имена, Тимофей, Василей, Петр або Симеон, и поливали их водою и молитвы над ними звыклыи[705] отправовали, крестили[706] всих мужей и невѣст во имя отца и сына и святого[707] духа. В той же час от митрополита первого в Росіи[708], именем Михайла, которого теж взял з Херсуня Володимер, всѣ 12[709] сынове Володимеровы окрещени особливе, которых мѣл с колкимись жонами. Имена их суть: Вы- шеслав, Изяслав, Святополк, Ярослав, Всеволод, Святослав, Мстислав, Борис, Глеб, Станислав, Позвизд, Судислав. И от того тую гору и студню над Днепром, где ся они крестили, кияне и по сей[710] день[711] Хрещатиком зовут. Дал теж всѣх[712] преречоных сынов своих и при них килко[713] сот сынов боярских писма грецкого и азбучного, которого тепер наша Русь уживает[714] и которое еще перед тым далеко з кгрецкого на язык словенский перело- жоно, учити. Преложил над ними дьяки[715] и млоденцы[716] цвичо- ныи. Потом Володимер по всѣх[717] панствах своих казал выкликати[718] болваны[719], росказуючи, абы ся вси в вѣру христианскую крестили, а день певный назначил, на которий бы хто ся[720] не окрестил, каранье, яко на непослушных[721], установлено[722]. Услышавши то, люд посполитый бѣгли вси з радостью до Киева, Арк. 311зв. а другие на иншие мѣста назна // чоныи, по которих были грецкие священики для крещения. Казал змуровати церков в Киевѣ святого Спаса з камени великого, а на том мѣстцу, где болван[723] Перун был перед тым хвален, церков святого Василия, на имя свое, которое ему было дано на святом крещению[724]; и иных теж церквей велми много, звлаще на тых мѣсцах, где перед тым роз- маитыи болваны[725] стояли, росказал набудовати[726] коштом великим, одны з цеглы и каменя, а другие з дерева.
А до Новагорода[727] послал архиепископа Іоакима корсунянина[728], которий, пришедши до Новагорода з Добринею, болваны вси поламал, а Перуна вкинул в Волхов-реку, которая посеред мѣста з Илмера-озера идет. А коли того болвана Перуна бито по череву[729] киями, бо был дутый, теды в нем бѣс кричал: “О, бѣда ж[730] мнѣ, иж есми[731] достал в немилостивые руки”, а плынул противко[732] водѣ[733]. Потом Володимер послал знову по ремес- ники до Грецѣи и змуровал церков коштом великим пресвятои богородицы в Киеве, которую книгами и образами[734] оздобивши, преложил над ними Анастасия херсонянина[735] священика, опат- ривши еи великими десятинами з медов и збожя[736] всякого. Шпиталей теж велми много для убозтва и калѣк[737] набудовал и надал гойне великим достатком.
Потом Володимер, взявши з собою два епископа, ходил в Суз- далскую землю и там всѣх крестил и збудовал замок и мѣсто Арк. 312 великое от своего имени, назвал его Володимером, // межи Волгою и Окою реками над Клязмою рекою в украине велми гойной, и там столику свою перенесл з Киева, але всяко болшей в Киеве мешкал. И там же теж того часу в Володимери святый Володимер церквий и шпиталей велми много набудовал и надал[738]; также теж вси руские бѣлои и чорнои, всходнои и полуденнои лежачои Руси народы в вѣре християнской ведлуг обрядов и церомоний[739] грецких под звирхностю[740] патриярхи[741] костантинополского стале и статечне по сей[742] день трвают. Для так теды великои справы же досконале за его инстанцыею, то есть[743] поводом господь бог так великий народ до крещения[744] святого привел и для живота[745] теж его побожного и святобливого, будучи в християнствѣ, до колен- дара[746] его церков святая принела и обходит день его 15 липца[747], день той власне[748] которого се переставил[749]. Похован есть в Киевѣ в церкви пресвятои богородицы[750] Десятиннои в гробѣ мармуровом.
церемоннй. (Прим. В. Перетца). звирхностью. (Прим. В. Перетца). патриархи. (Прим. В. Перетца). по сесь. (Прим. В. Перетца). инстанцыею, то есть. Опущ. (Прим. В. Перетца). крещениа. (Прим. В. Перетца). жывота. (Прим. В. Перетца). календара. (Прим. В. Перетца).
15 липца. іюля 15. (Прим. В. Перетца). властиве. (Прим. В. Перетца).
се переставил. Господу богу духа отдал. (Прим. В. Перетца). богородици. (Прим. В. Перетца).
Што если отцове святые о инных[751] святых, которых дома не маем, мощах то есть костях розумѣли, ровным вправде способом почесть належита[752] есть тым, которих мощи дома у себе[753] маем. “За тым я (мовит автор)[754] смѣле рекну оно, што Амбро- сий[755] святый рекл: “Радуйся з щастя каждого мѣста люд, если одного толко мученика[756] костями[757] есть осмотреный”, а мы ото войско мучеников[758] маем. Нехай се[759] радует земля наша, Арк. 312зв. пѣстунка небесных жолнеров и так великая //родителька плодная цнот”[760]. Тѣш ся ж и ты, презацная земле Киевская, же до чого другие сотницами миль кладут и шествуют, ты то на своем лонѣ пѣстуеш: у тебе святыи митрополитове, побожныи епис- копове, благословеные архимадритове[761], у тебе мироточивыи[762] кости знайдутся. Ты есь родителька ангелов земных; ты есь пѣстункою воинов Христовых[763], ты есь поле, на котором се[764] плодят[765] и родят се лилѣи[766] чистости, рожи терпливо сти, иа- кинфты послушенства, з которих вѣнцы ся уплѣтают княжат росийских неувядаючие.
Радуется и тѣшит[767] земля Римская з Петра и Павла, Ассия з Іоанна Богослова, Египетская - з Марка, Антиохийская - з Луки, Греческая - з Андрея и Костантина. А Руская и Киевская земля преславная з тебе, княже Владимере, яко з господнего апостола, которий освѣтил есть вси концы[768] и краины всеи Ро- сийскои земли[769] святым крещением. Радуйся, благословеный княже Владимере, принявший вѣнець невянучий з руки бога вседержителя, радуйся святая главо, вожу и научителю наш, радуйся благословеный княже Владимере[770], дѣлателю и насадителю християнскои вѣри, которий выкоренил еси[771] прелестнои[772] идолскои слѣпоты терние[773]. Радуйся святыи княже[774], зоравший всю[775] Рускую землю святым кретцением и насѣявший книгами и писмом божественным[776], з которих жнут сынове росийские ужиточныи[777] рукояти покаяния[778], от[779] которих Арк. 313 теж уживают неоскудный // покарм в царствіи небесном, которого и нас воместити рачь Христе боже наш[780], яко тобѣ належит всякая слава и поклон[781] з отцем и святым духом нынѣ и завжды и на вѣки[782]. Аминь.