Єрмолинський літопис
Єрмолинський літопис використано за виданням 1910 року [Полное собрание русских летописей. Том 23. Ермолинская летопись. — Спб.: 1910 г. — 239 с.]. Він дійшов до нас у єдиному списку, котрий за філігранями датується 1491 роком.
Літопис доведено до 1481 р., приписки до нього стосуються подій 1485 — 1488 рр. Таким чином, час написання рукопису досить близький до часу завершення його тексту.В плані змісту дослідники [Клосс Б. М. Предисловие к изданию 2004 г. — Полное собрание русских летописей. Том 23. Ермолинская летопись. — М. : Языки русской культуры, 2004 г.] виділяють частину до 1417 року, яка близька до Літопису від 72-х язик молодшого ізводу (т. зв. Уваровський літопис — ПСРЛ, т. 28). На підставі цих спостережень використано тільки його останню, найбільш оригінальну частину.
В лето 6925 [1417]. Преставися сын великого князя Иван.
В лето 6933 [1425]. Преставися князь великы Василей Дмитриевич февраля 27, в 3-й час нощи.
В лето 6933 [1425]. Того же лета преставися князь Иван Михайловичь Тферьски, в черньцех Иев, и седе по нем сын его Александр, маия 21.
В лето 6934 [1426]. Тое же осени преставися князь Андрей Володимеровичь и князь Семен Володимеровичь, в черньцех нареченный Сава, а положен у Троици, и князь Ярослав Володимеричь
В лето 6935 [1427]. Тогда преставися князь Василей Володимеровичь.
В лето 6936 [1428]. Преставися князь Петр Дмитреевичь.
В лето 6940 [1432]. Преставися князь Андрей Дмитреевичь.
В лето 6949 [1441]. Преставися князь Дмитрей Юрьевичь меньшой в Галиче, и привезше его на Москву, и положиша в Архааггеле подле отца. [Ось вказівка на місце поховання Юрія Дмитровича.]
В лето 6961 [1453]. Того же лета преставися великая княгиня София, в черницах и в скиме, у Вознесенья в городе.
В лето 6961 [1453]. Того же лета в Новеграде Великом преставися князь Дмитрей Юрьевичь Шемяка; людская молва говорит, что будетось с отравы умерл, а привозил с Москвы Стефан Бородатый дьяк к Исаку к посаднику к Богородицкому, а Исак деи подкупил княжа Дмитриева повара, именем Поганка, той же дасть ему зелие в куряти.
И пригна с вестью на Москву к великому князю Василей Беда подьячей; князь же велики пожаловал его дьячеством, и прорекоша ему людие мнози, яко не на долго будет времени его, и по мале сбысться ему. [Цей Василь Біда був писарем духовної грамоти князя Василя Васильовича — див. Новгородський літопис Дубровського, ПСРЛ, т. 43, с. 188.]В лето 6964 [1456]. Того же лета преставися князь велики Иоанн Феодорович Рязанский.
В лето 6969 [1461]. Месяца февраля 18 преставися князь велики Борис Тферьский Александровичь.
В лето 6970 [1462]. Той же весны, в той же во святый пост князь великий повеле у себя на хрепте труд жещи сухотныя ради блести, великая же княгиня его и боляре его вси возбраняху ему, он же не послушав их, и с тех мест разболеся. Того же лета, месяца марта 27, преставися благоверный и христолюбивый великий князь Василей Васильевичь.
В лето 6971 [1463]. Во граде Ярославли, при князе Александре Феодоровиче Ярославьском, у святаго Спаса в монастыри во общине явися чюдотворець, князь велики Феодор Ростиславичь Смоленский, и з детьми, со князем Костянтином и з Давидом, и почало от их гроба прощати множестов людей безчислено. Сии бо чюдотворци явишася не на добро всем князем Ярославским: простилися со всеми своими отчинами навек, подавали их великому князю Ивану Васильевичю, а князь велики против их отчины подавал им волости и села.
В лето 6675 [1467]. Месяца апреля 22 преставися великая княгиня Марьа Тферянка, в 3 час нощи.
В лето 6981 [1472]. Септеврия 12 преставися благоверный и христолюбивый князь Юрьи Васильевичь, в 9 час дня.
Закінчення літопису за Кирило-Білозерським списком
В лето 985 [1477]. Тоя же зимы великая княгиня Марья пострижеся в чрьници на своем дворе, а стригл еа игумен Кирилова монастыря Нифонт и нарече имя еи Марфа.
В лето 7021 [1513]. Тоя же зимы преставися великая княжна Евдокиа, Петра царевича жена, и положиша ее в церкви Вознесения Христова на Москве, внутри града.
В лето 7026 [1518]. Того же лета преставися князь Семен Ивановичь, брат великого князя Василья, и положиша его в Архаггеле.
В лето 7029 [1521]. Преставися князь Дмитрей Иванович, брат великого князя Василья.